بۆرین سێ سالێن پەنابەریێ
قاسم لوندی
لبنێ چادركا خوە دەینا
ل هەرچار وەرزێن سالێ ئەم دلبرینن
وهیڤی ژلال سەرێ رێكا دمرینە
نەمەزانی چ بكەین ژڤان كول وكەسەرێن داینا سەر دل ژمالێن كەئێك ماین دایكێن كەزەبا خوە لچۆلا هاڤێتین
برایێن كو باب وبرا لپێش چاڤا كوشتین وخوشكێن كەزی برین
هەرچار وەرزێن سالێ ل مەبووینە حزن وشینوگری
چادركێن مە لمەبووینە وەكیێ زیندانێن رەش وتاری
ب سەرمەداهاتن پایزێن برتوزوبا وخەمگین
هیڤیێن ژیانا مەژی ژپێشچاڤێن مەوندابوون وفرین
لدەمێ پایزێ روندك وەكی پەلگێن دارا ژچاڤێن مە دوەرین
وچادركێت مە چنەمایە دگەل تۆزا پایزێ بفرن ووەكی دارا بمینن رووتوبێ
ل زڤستانێ……….
ئەو ژیانا وەكی بەری مالباتا دگەل هەڤ دبوراند ب شەڤ خوە شكێن زڤستانێ نەمایە
خوشك وبرا وهەڤالێن ب هەڤرا دنیا فێمكرین
هۆڤێن چۆلا هاتن و ژژیانێ بێ بەهركرن
نۆكە ل زڤستانێ دلێ مە ژخۆشیا ڤالایە
وزكێن چادركێت مە ژتەقن وهەریێ وەكی دەرڤەیە
ئەو ژیانا مە یابەری قەد نەمایە
ژدل كەن وگرنژینا زارۆكێن مە ودوعایێن دایكێن مە قەفقەفا ددانێت مە دهێتەگوهێن مە
ها ئەڤەیە ل زڤستانێ ژیانا مە
ژیانا مە ل بوهارێ……….
بوهار دەمەكی خۆشیا دلابوو
بێهنا ل سەرپەلگێن هەمی گولابوو
ل وی دەمێ هەڤالامنژی ئێك ژوان گولابوو
ئەو ژبووی من هەردەم بكراسێ سۆرو سپی خەملاندی بوو
كەزی وبسكێن وێ وەكی دوومارا ل سەرمللاخوە لهەڤبادابوون
لێ مخابن
لێ مخابن ئیرۆ رەنگێ بوهارێ ژبووی مەرەنگەكی ڤالایە تاما ژیانێ خوە ژلێڤێت مە یادزی
گولێت مە ژی بێ ئاڤ وچەلمسینە
وهەڤالامن نۆكە لناڤ دەستێن هۆڤا بخەملا رەش خەملاندیە
ئەڤ سێ سالن پەریا دلێ من لزیندانا زالمادا زیندانكریە
وهەتا گرتیێت مە ژدەستێن هۆڤانە زڤرن
بوهار ژبووی مە رەنگەكێ ڤالا و بێ خۆشییە
ل هاڤینێ…………
دەمێ بیرهاتنێن وەرزێ هاڤینێ دئێنە بیرامن
هێستر بێ هژمار دبارن ژچاڤێ من
كەسەرخوە بەرددەنە سەردلێ من
پشتی وندابوونا براوهەڤال وهۆگرا ژبەرچاڤێ من
دێ بنڤیسەپێن وسا من و بێ راوەستیان
ژبلی تەمن چ كەس نینە
توژمن راهەڤال وبرا
بنڤیسە ڤێ چیرۆكێ ڤێ دیرۆكێ
بكە داستان وبەلاڤ بكەل هەمی جیهانێ
بلا هەركەس بزانبت ئەڤەیە حالێ زارۆكێن ئێزدیان ل وەلاتێ غەریبیان
گەلو ئەڤێ بێیە حالێ مە
هەروو كەمپەك ببێ مالامە
كەسەك نایێ ل هاوارامە
كەوە هاچوومرنێ ب داخوازامە
وەرن حالێ مەببینن
لكەمپادا ئەم ناقەدینن
شنگالامە بخەملینن
خەونێت مە بجیبینن
گرتیێت مە بزڤرینن
هێسترێت دایكارا وەستینن
مەچ كربوو وەها بسەرێ مە كرن
مال وحال تالانكرن
وەلاتێ مە ژخوونێ سۆركرن
گۆرێت بكۆم ژكوشتیێت مە چێكرن
ژخودێ گونەهـنە دكرن
مەزارگەهێت مە ل ئەردێ راستكرن
شنگالامن رابە سەرخوە
ئاشتیێ بكە ئارمانجا خوە
بكە راستی خەونا زارۆكێن خوە
وەكا بەری بزڤرینە كەیف وخۆشیێن خوە
خەلك وعالەم هەموو گەهشتە مافێ خوە
بوونە سێ سال وهێش ئەم پەنابەرن ل وەلاتێ خوە
ئەم پەنابەرن ل وەلاتێ خوە
تُتاح هذه الصورة أيضا في: کوردی
