رۆلێ گەنجان د كارەساتا شنگالێ دا
ماهر شنگالی
یە خویایە ل هەر جڤاك و وەلاتەكی،تەخا گەنجا دئێتە هژمارتن ب بربرا پشتێ یا هەر جڤاكەكی و دبتە پاشەرۆژا وی مللەتی و بەشەكێ سەرەكی دئاڤاكرن و بریاردانا هەر وەلاتەكی دبریارێن چارەنڤیساز دا،چنكو گەنج یێ بوویە هێزا كار و سیاسەتا وەلاتان.
بێگۆمان جڤاكێ ئێزدی ژی خودانێ ب هەزارەها گەنجێن خودان باوەرنامە و پیشە یە و هێزەكا مەزن یا كاری یا هەی، هەروەسان نهۆ گەنج د گۆرەپانا سیاسی و و ئابووری دارۆلەكێ مەزن دگێرت،لێ مخابن جڤاكێ ئێزدی ب وان گەنجان شادنەبوو نهۆ هەموو بوونە پەنابەر ل وەلاتێن بیانی،ئەڤە ژی خزمەتێ ب دۆزا سیاسی و ئابووری و ئاڤەدانكرنا ناڤچەیێن ئێزدیان ناگەهینت،پێتڤیە ئەم خۆ ل ئاخ و زمان و وەلاتێ خۆ بكەینە خودان چنكو ئەڤە وەلاتێ مەیە و ئەم كوردێن رەسەنین،دڤێت ئەم بینە جهێ بریاردانێ نەك ئەم بینە جهێ وێ چەندێ خەلك بریارا ل مە بكت و كارەساتا شنگالێ ژی نهۆ گەنجێن ئێزدی رۆژانە دئێنە خاپاندن ژلایێ هندەك كەس و لایەنێن سیاسی ڤە،ئەڤە ژی دێ كارتێكرنێ ل جڤاك و پاشەرۆژا ئێزدیان كت و دێ بتە نەمانا ئێزدیان ل وەلاتەكی ئەو ژی كوردستانە و كوردستان ئاخا مەیە،ئانكو ئەڤە ژی كارەساتەكا سپیە ب سەرێ مە دئێت و ئەم هەموو خۆ بێ دەنگ دكەین.
بلا هەر كەس و لایەنەك ژ جڤاكَ ئێزدی راوەستن ل سەر ڤێ خالا هەستیار دا،كو ئەم ب زڤرن بۆ ئاخا خۆ ل چیایێ شنگالێ و ئەم بریارا خۆ ب دەنگێن خۆ بدەین و ئەم ببینە جهێ بریاردان و دەست هەلاتبوونێ ل شنگالێ.
تُتاح هذه الصورة أيضا في: کوردی
