ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چنار شمو قاسم:ئارمانج و هیڤیێن زارۆكێن مە بەرەف كوڤە؟

ئارمانج و هیڤیێن زارۆكێن مە بەرەف كوڤە؟

چنار شمو قاسم13330539_1713657008883928_2042095526_n
پشتی زارۆك ژیانێ‌ پەیدا دكە ، پێتڤیە ئەو زارۆك ب شێوەیەكێ‌ باش بێتە پەروەردەكرن و ماف و حەزێن وان بێنە دابینكرن،وەك فێركرنا ئاخفتنێ‌ و پاقژیێ‌ و هاریكاریكرنا وی هەتا خۆ ل سەر لنگێن خۆ بگرت ، پشتی كو زارۆك ئەڤان مافان ب دەست دخە حەز و ئارەزوو ل با وی پەیدا دبن بۆ دوا رۆژا وی.

بەلێ‌ ب مخابنی ڤە ل هندەك وەلاتان ژبەر شەر وئالۆزیێن ژیانێ‌ وژ ئەگەرێ‌ كۆچبەریێ‌ ب رێیا ئاڤێ‌ حەز و ئارەزویێ‌ ڤان زارۆكان ب ژیانا وان ڤە، ئاڤ ب خوەرە دبە و ئێدی ناڤەگەرینە،جهێ‌ داخێ‌ یە كو نهۆ زارۆك دبنە قوربانیا كریارێن هندەك دایك و بابان ، نهۆ ل هندەك وەلاتان مینا كوردستانێ‌ و وەلاتێ‌ سوریا كو ب شێوەیەكێ‌ ئێكجار زۆر خەلك كۆچبەری وەلاتێن بیانی دبن ژبۆ وێ‌ یەكێ‌ كو ژیانەك و جهەكی ئارام ژبۆ خۆ پەیدا بكن، لێ‌ هندەك جاران ئەڤ هزرێن وان بجه نائێن و ئەو هزر ب شێوەیەكێ‌ خراب وهەموو دبنە ئێش وئازار وبۆ وان دزڤرت مینا ئالانی كوردێ‌ رۆژئاڤایێ‌ كوردستانێ‌ ، ئەو زارۆكێ‌ هەستێ‌ تەڤ جیهانێ‌ هەژاندی كو ل بەر لێڤا ئاڤێ‌ داوی ب ژیانا وی هاتی.

دەما كو مرۆڤ ل ئالان درێنە هزر د پاشەرۆژا ئەڤان زارۆكێن دن دە دكە و ب هەزاران زارۆكێن دی وەسا درێیێن كۆچبەریێ‌ دە داوی ب ژیانا وان تێ‌ و ئەو هێش ل بەندێنە كو مەزن بن و ببن خوەدی ئارمانج و ب شێوەیەكێ‌ ئارام بژین دوور ژ شەری وتەنگەژیێ‌،ئەرێ‌ ماڤێ‌ زارۆكی وه‌سا تێ‌ پاراستن وه‌سا دایك و باب وان زارۆكان مەزن دكن و پەروەردە دكن و بكن خوەدی ئارمانج، ئيرۆ ئالان و سبە ب هه‌زاران زارۆیێن دی وێ‌ بێ‌ ئارمانج بمینن،ئەرێ‌ هەتا كەنگی رەوشا دەڤەرا رۆژهه‌لاتا ناڤەراست وێ‌ وه‌سا بەردەوام بە ؟ وپاشەرۆژا زارۆكێن مه‌ مینا ئالان لێ‌ وەرن و ئارمانج و هیڤیێن وان وێ‌ هەلاویستی بمینن !!.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi