ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەروان شێخ حه‌سه‌ن رەشكانی:رۆژا نەخۆش 3/8/2014 خالەك رەش ل سەر پەرێن دیرۆكەك بەش

12565513_1966954003530053_626009139780246089_n

رۆژا نەخۆش 3/8/2014 خالەك رەش ل سەر پەرێن دیرۆكەك بەش

مەروان شێخ حه‌سه‌ن رەشكانی
ئەڤ رۆژە هەر دێ‌ مینیت رۆژەك رەش رۆژا مرۆڤاتیێ‌ ل جیهانێ‌ وژدان هاڤێتی و مایی رووت و تازی،رۆژا دێ‌ وەلەدێ‌ خوا ئاڤێتی و كور ل سەر تەرمێ‌ بابێ‌ رەڤیای،رۆژا كچێن پێشكێنك ل مەیدانێ‌ هاتینە فروتن و حەراج حەراج د دەستێ‌،دەللالا دە ،رۆژا ردینێن دان عەمران یێن سپی توز و گەمار گرتین و رەش قەمتی ماین ،رۆژا وەغرێن بێ‌ داوی و بێ‌ خاتر خواستن دەیك و باب ژ زاروكێن خوە ڤەقەتیانە ،رۆژا خەم و كول و كوڤانا كونێ‌ خوە ل زەڤیێن گوندێ‌ مە داناین ،رۆژا دەست و مادك بوونە وەریسێن سێدارەدانا زارۆكێن د لاندكاندا ،رۆژا حەقیێ‌ باركری و رەڤیای و غیرەت ژ سەریا فریای و قوەت و هێز ل جەم مێرا نەمای ،رۆژا رۆژێ‌ جهێ‌ خوە بەردایی و شەڤ بێ‌ هەیڤ مایی،رۆژا تاریێ‌ كۆنێ‌ خوە ل سەر وارێ‌ من ڤەدایی و بێ‌ رونی مایی،رۆژا جان گۆریێن مللەتێ‌ من بێ‌ سێ‌ رۆژەك و پێنچ و حەفت و چل سال ماین ،رۆژا راستی دیار بووی دین و ئیمان، بەخت و وژدان هەمی بوونە دەرەو،رۆژا دەڤ ل ئێزدیان خریای و دەهولا مرنێ‌ ل سەرێ‌ بێلانێن بلند قوتایی(رۆژا رەش، برینا رەش، پەیڤا رەش، بەختێ‌ رەش،رەشا رەش، رەشترین رەش،برینێن بێ‌ درمان،پەزێن بێ‌ شڤان،شنگال و ئێزیدخان،گازیێن بێ‌ خودان،هەوێن قڕكرنێ‌ و فەرمان،بۆ كەسێن سەفیل و بێ‌ سەمیان).

سالەك بوهری و بوكێن سالێ‌ و سەر ب خێلی ل بەند و ژڤانێ‌ خێلی ڤانانە و چاڤەرێی زاڤا و بەر بوكانە ،سالەك بوهری و هێژ عەدلەك ژڤانێ‌ هاتنا دەروێشێ‌ عەڤدیە داكو قەید و زنجیرا بشكێنت و رۆژێ‌ ل دوژمن بكەتە شەڤا رەش،سالەك بوهری و هێژی چەلتكێ‌ خاتما ب ستویێ‌ شێخ شەمۆ ڤە قورمزی بوویە خوە ب سەردا گرتیە ،سالەك بوهری و هێژی توركێ‌ بەراتا، ئاخا پیرۆزا لالش (بێ‌ گونەه) لبەر (…) بێ‌ خودان مانە،سالەك بوهری و چرایێن دەرچكێن قوبێن پیرۆز نە ئیسیانە ب دەستێن مجێوران،سالەك بوهری و جەما و تەوافێن مەزارگەهان رێ‌ و رەسمێت وان ب دار ڤە ماینە،سالەك بوهری و هێ‌ تڤەنگا (داودێ‌ داود، مەموی عەلی،سوڤكی مەتو، ملحمێ‌ عەلی ئاغا،محەمایێ‌ عەڤدۆ،ئوسێ‌ مەژدین مەحمودێ‌ ئوسن) ب دارڤە مایە،سالەك بوهری و هێژ خەنسا نەعمەتا لسەر كانیا حەیالێ‌ ب ژڤانێ‌ رەشۆیە،سالەك بوهری و هێژی غەزال ب دوو زاروێن خوەڤە ل شكەفتا ملێ‌ حسێن ل هیڤیا حەسەنەكی یە ،سالەك بوهری و كەژا مان و ل هیڤیا هاتنا عەگید و مێر خاس و بوغ و بەرانێن ئێزدیانە،سالەك بوهری و زەریفا ئوسێ‌ ل مەیدانێ‌ بەرو باروتا تینێ‌ و ناڤ و لێدانێ‌ دكە و ل مەیدانێ‌ بوغ و بەران كێم دخویانە،سالەك بوهری و ل بەرییا شنگالێ‌ كۆنێ‌ چاردە ستونی ل ئەردێ‌ خستییە و سنگ و ستون شكەستیە و نائێتە ڤەدان،سالەك بوهری و دار هژیر هشك بوویە و بەر نە گرتیە ژبێ‌ سەخبێری و بێ‌ خودانی ،سالەك بوهری و ب سەدان كانیێن ئاڤێ‌ زوهابوون و هشك و هۆلا مانە ،سالەك بوهری و پەریێن سۆر و زەر ب دیوار و سەرێن زنجێن قوباڤە رزیانە و قوب هەرفینە،سالەك بوهری و كوچكا سترانا شنگال بێ‌ سترانبێژ مایە و پەیڤ و ئاوازا نەمانە،سالەك بوهری و تواف و عید و داونەبیا بەرێ‌ خوە ل سەر گوندێ‌ مە گێرانە.

ل داویا ڤێ‌ پەیڤێ‌ هەزار رەحمەتێن خودێ‌ ل گیانێ‌ وان شەهیدێن دین و مللەت بن ژ ژن و زەلامان،كچك و مەزنان یێن بێ‌ گۆر و كفن ماین وكوشتنا خوە قەبول كرین و ئیمانا خوە بەر نەداین،دیسان بەژنا خوە دتەوینم بۆ گریێ‌ هەر زاروكەكی و ڤەجرین و برینا پرج و كەزیێن هەر خوشكەكێ‌ و هەر دایكەكا كەزەب لێ‌ پرتی ،سلاڤ بۆ هەر دایكەكێ‌ و هەر خوشكەكێ‌ و هەر بابەكی و هەر برایەكی و هەر زارۆكەكی ساڤا یێن د زیندانێن داعشا پیس و گەنی و بێ‌ كەرامەت و هۆڤ و درندە دا،لەوا ژی دڤێ‌ سالێدا خودان غیرەت و روومەت بلندا سەنگەرێ‌ پێشی و چەپەر بەرنەدانە و عەگید و مێر خاسان بەرخودان كرینە و چیا نەهێلانە شەرڤان و پارێزەران كەرامەتا چیێ‌ راگرتینە و شێران لانێن خوە ل میرگەها میر شەرفەدین و ل بەر قوبا ئێزی و گەلیێ‌ كەرسێ‌ و ل گابارا و حەیالێ‌ و شكەفتێن شلۆ و بارایێ‌ و ل گەلەك جهێن دی بەرنەداینە و ئالایێ‌ بەرخودانێ‌ و رزگاركرنا شنگال ل جهێ‌ بەرز و بلند هەلداینە و هەمی هێرشێ‌ سالەكا درندانە هەر ژ(3/8/2014)تا(3/8/2015)شكاندیە و دوژمن بێ‌ ئۆمید و سەر شۆر كریە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi