بەلێ بۆ ریفراندۆمێ
جوان بەرواری
كوردستان ژئالیێ ناڤخۆیی و جوگرافی و جیبوپولوتیكی ڤە ل ناڤبەرا چوار دەولەتان دا دابەش بوویە،ئەو ژی ل ژێر دروشمێن ئوتونومی فیدرالی سەربەخۆبونێ پێنگاڤا دهاڤێژت ،ئانكودكارین ب گۆرەیی زمانێ سیاسی بێژین دوگروپێن كوردی یاب ناسنامێ ڤە گرێدایە باشترین رێیا چارەسەریێ ودەلیڤێن باش ورێیێن هزرێن درێژخایەنن دوێ باوەریێ دایە،كو چارەسەریا ئوتونومی فیدرالیێ وپرۆژەیێن دەم كورت دەمكینە ، دیسان ڤی گرۆپی رەوشتەكێ سیاسی هەیە پتر داكۆكیێ ل سەر رێزگرتنا جڤاكێ كوردی مافێ تاكەكەسی و ئێك رێزیا ناڤ مالا كوردی دكت.
ئەگەر ئەم تەماشە بكەین كو سەربەخۆبوون كارەكێ نەمومكینە ودبێژن چ پارتەك نكارت ڤێ بكەتە راستی ودوێ باوەرێ دانە،كو ریفراندۆم نەبتنێ گرێدایی ئیرادەیا گەلێ كوردە ، بەلكو پتر یاگرێدایی بیردۆزێن سیاسی ڤەیە ل دەڤەرێ وبەرژەوەندیێن دەولەتان ، لەورا خالا هەرە گرنگ ئەو بوویە كو كارتێكرنێن نێگەتیڤ دچارەنڤیسێ كوردان داكریە ، دەلیڤێن مفا وەرگرتنێ ژدەمێ سیاسی وكاودانێن سیاسی نەئێگرێزیا ناڤ مالا كوردی نەبوونا پەیڤەكە هەڤپشكا سیاسی بوویە ، وەكی نۆكە ئەم دبینین كو رۆژ بۆ رۆژێ كوردستان یا بەرەف پێشكەفتنێ دچت و پێنگاڤێن باش ژلایێ سەركردێن مەڤە دئێنە هاڤێتن ،لێ مخابن كو هندەك ژ مەكوردان هەولێن تێكدانا بارودۆخێ كوردستانێ ودەستدانا دەستكەفتان ددەن سەرەرای وێ چەندێ ژی كو مللەتێ كورد ژی مەزنترین نەتەوەیە كو ل جیهانێ بێ دەولەت دژیت و مینا وەچەرخانەكا دیرو درێژ و خەباتەكا بێ راوەستیان بەردەوامی دناڤبەرا چوار دەولەتێن هەڤسوزداكریە، تا نها ژی كورد دناڤا ڤان مەرجاندا ل عێراقێ ب سەدەما تە پەسەری وزۆرداریێ ژئالیێ دروشمێ عێراقێ بووینە مانشێتێن چەندین رۆژنامە و میدیایێن جیهانێ.
ل سالا 1991 كوردێن عێراقێ رێڤەبرنا دەڤەرێن كوردی ب دەست خۆڤە گرت پتر ژچەندین سالا هەتا ئەڤرۆ،مینا دەولەتا هەرێما كوردستانێ تا نها شیایە رێڤەبرنا خۆبكت ، هێزا گەلێ كورد پشتی رووخانا رژێمێ زێدەتربوو، سەرۆك بارزانی دپەیڤ و گوتارێن خۆدا هەردەم داكۆكی ل سەر پشتەڤانیكرنێ ژبۆ سەربەخۆبوونێ كریە ،نها ژی گەلەك جاران ئەڤ بابەتە ب گەرمی گۆری ل رۆژنامە ودەزگەهێن میدیایێ ب بیروبۆچونێن جودا دئێنە ئازراندن وئاراستەكرن ،لێ ل ڤێرە پرسیارەك دئێتە پێش كو ئەرێ ؟مەرجێن پێكۆل و بزاڤێن كوردان ژ فیدرالیێ بەرب سەربەخۆبونێ دبەرهەڤن ژبۆ دەستڤەئینانا بەرسڤان،لەورا كوردستانا سەربەخۆ مافەكێ رەوا سروشتیە كورد ئەڤرۆ یێ هەموو هەول و بزاڤێن خۆ دكەنە دچارچۆڤێ دەستكەفتێن نەتەوەیی دا، لەورا دبێژم ئەرێ كارێ رەوشەنبیرا دناڤ هەرمللەتەكی دا چیە ؟ بەرسڤ ، چینا رەوشەنبیرو ئەندازیار و زانا مامۆستایان و هەر چینەكا دی ئەوە بلا ل ناڤ جڤاكێ خۆدا،ژبۆ بەرژەوەندیا مللەتێ خۆ كاركن و دگەل وێ چەندێ ژی هەموو تێگەهێن سیاسی ببنە ئێك دەست وئێك بریار و ئێك رێزیا ناڤ مالا كوردی بپارێزن،ئەم هەموو پێكڤە بێژین بەلێ بۆ ریفراندۆمێ،داكو دوژمنێن مە ئەڤ جارە ژی وان دەستكەفتنا ژمە نەوەرگرن ومەبنبرنەكن بلا ئەم ب هزرەكا زانستی و نەتەوەیی تەماشەی وەلاتێ خۆ بكەین ب بینە خودان وەلاتەكێ سەربەخۆ ل بن سیبەرا ئالایێ خۆ و سرودا خۆ پێشكێشی جیهانێ بكەین و خوونا شەهیدێن خۆ بلندبكەین،داكو ئەم ژی وەكو هەر وەلاتەكی ب بینە خودان دەولەت.
تُتاح هذه الصورة أيضا في: کوردی