ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خلات ئلیاس:تواف دئێزدیاتیێ دا

تواف دئێزدیاتیێ دا

پیر خلات ئلیاس
تواف: ئەرکێ ئۆل ناسینێ یە د ئێکانیا خوەدێ دا، لەوما ژ رۆژا جەژنا چارشەمبووا سەرێ نیسانێ سەرێ سالا ئێزدیان دەرگەهێ تووافێن خاسان و باپچاکان ڤەدبت و هەتا دوماهییا سالێ.
توواف ئانکو زیارەتبوون لێ رامان بترە ژڤێ هندێ، د هەر گوندەکی ئێزدیان دا نیشانگەهەک یان قوبەک بناڤێ خاسەکی یان چاکەکی خودێ هەیە و هەر گوندەکی تووافا وی خاسێ گوندی وا هەی و رۆژەک بۆڕا وا هەی و گوند و دەور وبەرێن وان هەموو پێ دزانن ل کێ رۆژێ تووافا وی خاسی یان باپچاکی یە، ل هێڤارا تووافێ مجێورێ گوندی دێ کەتە بانگێ تووافێ بناڤێ خاسێ گوندی و دێ بەیتا هێڤاری لبەر مزار و نیشانگەهێن خاسان بێژن و دێ چرایێن وان خاسان ڤێخێن دگەل ئامادەکرنا تاوەیێن بغوورێ و خەلکێ گوندی دێ حازریا خۆ کەن بۆ تووافکرنا خاسان و هەر وەسا بۆ پێشوازیا مێهڤانێن هاتینە تووافێ.
بئەرکەکی پیرۆز وەکا داب و نەریت و بئیمانەکا مەزن و باوەری هەموو خەلکێ گوندی ل هێڤارا تووافێ و هەر وەسا ل سوبەکا تووافێ دێ قەستا بەر مزار و نیشانگەهێن خاسان کەن ژ بۆ تووافکرنا وان (زیارەتبوون) رامان ژێ فەر ل سەر خەلکێ گوندێ بچنە بەر وی خاسێ سەرەکی ل گوندی و توواف بن بناڤێ وی و دێ تووافکەن و ئەڤە نووکرنا سۆز و پیمانایە بۆ وی خاسی و ستار و سعود و رزقێ خۆ ژ خودێ و وی خاسی دخوازن و دلێ وان برەحما خودێ مەزن دبت و هەر کەسەک قوربانیەکێ سەرژێ دکەن و دکەنە زاد ب خێرا ناڤێ خودێ و خاسێ گوندی و هەر مالەک دێ مەسەفەکێ ژ وی زادی بەنە بەر نیشانگە یان خاسێ گوندی و مێهڤانێت هاتینە تووافێ ئەوژی توواف دبن و دێ ژ وێ خێرێ زادی خۆن.
بۆ زانین هەر کەسێ ل رۆژا تووافێ نەچتە بەر مزار یان نێشانگەها خاسێن گوندی ئەو کەس بنەزانی یان ب بێ باوەری تێتە ناسین و خێرا وی دبتە روومەت و دێ ژ خۆ زانت و دێ پۆشمان بت.
بەلێ هەکەسێ توواف بوو ئەو دێ کەفتە ناف ناڤێن خێرێ و خودان ئیمان و خودان بیرو باوەرێن خودێ ناسینێ.
ل رۆژا تووافێ رەحمەکا مەزن دکەڤە دلێ خەلکێ گوندی و تووافێن چۆینە تووافێ و هەکە دوو کەس یان دوو خێزان ژێک دل گرانببن دێ ل رۆژا تووافێ پێک خۆش بن و گەلەک نەخۆش دێ چنە بەر ئاڤاهیێن خاسان و بخۆ هیڤی و رەجا و داخوازا ژ خودێ دکەن و ل وان دبتە خێر و هێدی هێدی بەرو خێر دبن و هەموو گوند زادێ خۆ بسەر ئێک و دوودا بەلاڤدکەن و ژ نانێ ئێک و دوو دخۆن و پێک خۆش دبن لەوما توواف خێر و بەرەکەتە بۆ تفاق و تەبایا گوندی و توواف ـ زیارەت بوون ـ خێرکرن ـ خێر خوازتن ـ عەبادەت و دوعا کرن ئەڤنە هەموو بۆ رێیا خودێنە و لەوما توواف خودێ ناسینە و ب پیرۆزی رێ و رسمێن تووافێ تێنە گێڕان ئەوژی جووانکرن و سووارکرنا هلێلا و چێکرنا سماتا و لێخستنا دەف و شبابا بۆ برێسکرنا قەول و بەیتا و ساخکرنا رێیا راست رێیا خودێ و هەر رۆژەکە تووافێ تینت مالێ دەولەتەکێ و رێز و بارەک سلاڤ بۆ هەموو تووافی یە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi