ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هۆنەر خەلەف:گوندێ‌ كەرسافا لاندكا شۆڕەشا..جیێ‌ خۆش مێر و عەگیدان

گوندێ‌ كەرسافا لاندكا شۆڕەشا..جیێ‌ خۆش مێر و عەگیدان
هۆنەر خەلەف
هەر ژ كەڤندە كەرسافا لاندكا شۆڕەشا و جیێ‌ خوش مێر و عەگیدان بوویە، گەلەك قوربانی و دەربەدەری دیتینە و پێشمەرگەیاتی كرینە و تووشی برس وترسێ‌ و ئاوارەبوونێ‌ بووینە،زێدەباری وێرانكرنا گوندێن بەر چیایی(گوندێ‌ كەرسافا) و(گوندێ‌ خورزا) و(گوندێ‌ تافتێا)و(گوندێ‌ گابارا)ل ساڵا(1987 ) هاتبوەنە وێرانكرن ژلایێ‌ حكومەتا ژناڤچوویی یا عێراقێ‌ ڤە،دەمێ‌ شۆڕەشا ئەیلولێ‌ ل ساڵا 1961ێ‌ دەستپێكری ل وی دەمی عەبدولسەلام عارف سەرۆكێ‌ عێراقێ‌ بوو،جانگۆری حەجی حەجی ئێكەم جانگۆریێ‌ شۆڕەشا ئەیلولێ‌ یێ‌ گوندێ‌ كەرسافا بوو،كو ل چیایێ‌ گوندێ‌ خۆ ل ساڵا 1965 هاتە شەهیدكرن و نۆكەژی دارەك ل چیایێ‌ كەرسافا هەیە دبێژنێ‌ دارا شەهید حەجی حەجی، ناڤبری دبتە بابێ‌ دەیكا هەردوو شەهیدێن برایێن شەرێ‌ ل دژی تیرۆرستێن داعش، نۆكە باران حەجی حەجی بناڤێ‌ دەیكا هەردوو شەهیدێن برا هاتیە ب ناڤكرن.
ل ساڵا 1965 هێزەكا سەربازییا وەلاتێ‌ سووریا دگەل سەربازێن عێراقێ‌ و چەتێن دەڤەرێ‌ هێرشی گوندێن كەرسافا و خورزا كرن، بەلێ‌ ب سەر بلندی ڤە خەلكێ‌ ڤان هەردوو گوندان ب وێرەكی و زیرەكی بەرەڤانی ژ گوندێن خۆ كرن و خۆ رادەست نەكرن و هەتا هێرشا ل سەر وان هاتیە شكاندن،ل ساڵا 1974ێ‌ گوندێ‌ كەرسافا هاتە سۆتن و خەلكێ‌ وی گوندی بەرەف دەڤەرا ئەتروشێ‌ ئاوارە و ئاكنجی بوون،ل چیایێ‌ گوندێ‌ پێبوزێ‌ و هەروەسا چار پێشمەرگە دگەل خودێ‌ ژێ‌ رازی فەرماندە حەسو مێرخان دەولەمەر چۆن و قەستا وەلاتێ‌ ئیرانی كرن، ل وی دەمی خودێ‌ ژێ‌ رازی فەرماندە حەسو میرخان ئامر هێزێ‌ شێخان بوو، چەندین كەس ژی ژ مالباتا خودێ‌ ژێ‌ رازی بابێ‌ دوو شەهیدێن شەرێ‌ دژی تیرۆرستێن داعش پێشمەرگەهێ‌ ئەیلولێ‌ نەرمو ئاغا دگەلدا بوون، ناڤێ‌ وان ئەڤەنە حەسەن عەلی ئاغا ئامر سری بوو، نەرمو ئاغا سەرپەل پ.م بوو،سلو شریف پ.م بوو، رەشو عەلی ئاغا پ.م بوو، و چەندین پێشمەرگەبوون.
ئەو چار پیشمەرگەهێن دگەل فەرماندە حەسو میرخان قەستا ئیرانێ‌ كرین ناڤین وان ئەڤەنە بیبو عەلی ئاغا و سەلیم عەلی ئاغا و سیدو چولی و خەلەف شەمۆ،چەندین ساڵان ل وی وەلاتی مان و پاشی ڤەگەڕیانە كوردستانێ‌،پشتی شۆڕەشا گولانێ‌ دەستپێكری، و پشتی ساڵا 1979 شەهیدێ‌ قەهرەمان و چاڤ نەترس شەهید محمود ئێزدی ب دەستێ‌ خیانەتێ‌ شەهید بوو، ل ساڵا1983 شەهید عەلی بەرەكات شەهید بوویە ل گوندێ‌ كەرسافا كو كەسەكێ‌ قەهرەمان و چاڤ نەترس بوو ب دەستێ‌ چەكدارێن حكوماتا گۆڕ ب گۆڕ و خوون مژ شەهید بوو، پاشی جەنازێ‌ شەهید عەلی هەر دناڤ گوندی دا ب ترومبێلێ‌ ڤە كرن و كێشان، كوڕەكێ‌ وی ب پاش بابی دئێتە سەر دونیایێ‌.
ل ساڵا 1987 گوندێ‌ كەرسافا ژلایێ‌ حكومەتا ڕژێما بەعس یا ژناڤچوویی ڤە هاتە وێرانكرن و خرابكرن و تانۆكە ژی شوونوارێن وێ‌ وێرانیێ‌ یێن د گوندی دا ماین، ژلایێ‌ خۆڤە حكومەتا هەریما كوردستانێ‌ خزمەتگۆزاریێن مینا ئاڤ و كارەب و جادان چێكرینە، ل ساڵا 1988 دەمێ‌ ئەنفالێ‌ ژی سێ‌ كەس شەهید بووینە ئەوژی حمزو خەلەف،حەجی وەحید،ئەلیاس وەحید،پشتی سەرهلدانێ‌ و شەرێ‌ پێشمەرگەهێن قەهرەمان و چاڤ نەترس دگەل چەكدارێن پەكەكێ‌ فەرماندە شەهید شمدین دارمان هاتە شەهیدكرن و هەڤالێ‌ وی ئاگرام عیدو بریندار دبت و چاڤەكێ‌ خۆ ژ دەست ددەت.
پاشی ل ساڵا 2000هەتا 2002ێ‌ دگەل بابێ‌ خۆ شەهید مقدم خەلەف ژ كۆمەلگەها شێخكا ئاوارەبووین بەرەف باعەدرێ‌ ڤە چۆین ل وی دەمی بابێ‌ من خودێ‌ ژێ‌ رازێ‌ شەهید مقدم خەلەف نەرمو ئاغا سەرپەل بوو، پاشی ئەم مالباتێن پێشمەرگەهان ڤەگەڕیاینە شێخكا، و پاشی و پشتی ئازادكرنا باژێرێ‌ مووسل ل ساڵا 2007 شەهید شوگد گاڤان هاتە شەهیدكرن، پاشی و ل دەمێ‌ ل27/6/2014ێ‌ چەكدارێن تیرۆرستێن داعش هێرشی مووسل و دەڤەرێن كوردستانی كرین شەهیدێ‌ قەهرەمان و چاڤ نەترس شەهید مقدم خەلەف نەرمو ئاغا شەهید بوو ئەوژی پشتی شەرەكێ‌ گران دگەل ئەوان تیرۆرستان و پشتی نەهێلایی دوژمن نێزیكی دەڤەرێن حەمدانیە و قەرەقووش بن كو دەڤەرێن خوشك و برایێن مەسیحی نە ناڤبری شەهید دبت و ناڤێ‌ وی د دیرۆكا كوردستانێ‌ دا دئێتە تۆماركرن، برایێ‌ شەهیدی مقدم خەلەف شەهید جیهاد نەرمو ئاغا ل ڕێكەفتی 2/8/2014ێ‌ ل میحوەرێ‌ زوممار بریندار دبت و ژ ئەگەرێ‌ گرانییا نەخۆشیێ‌ شەهید دبت.
شەهید هەرمان نەعمان ل ساڵا 2016 شەهید بوویە، ل ساڵا 1962 خودێ‌ ژێ‌ رازی تەحسین سەعید بەگ ژی بەر حكومەتا عێراقێ‌ یا ل وی دەمی هاتبوو گوندێ‌ كەرسافا و رەحمەتیێ‌ عەلی ئاغا سەروەرێ‌ هۆزا حەراقییا ل چیایێ‌ گوندێ‌ كەرسافا پێشوازییا وی دكەت و چەندین مەهان ل چیایێ‌ كەرسافا بوو.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi