ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەلیاس نەعمۆ خەتاری:بەهرا ئێزدیان د پەرلەمانێ‌ هەرێما كوردستانێ‌ دا

بەهرا ئێزدیان د پەرلەمانێ‌ هەرێما كوردستانێ‌ دا
ئەلیاس نەعمۆ خەتاری
دەمێ‌ بەهر دئێنە دابەشكرن ل هەر جیەكی دڤێت چوو كەس بێ‌ بەهر نەمینن و ئەڤ چەندەژ ی دئێتە چەسپاندن دەمێ‌ یاسا و ئێكسانی و دادپەوەری دئێتە بكارئینان،لەوما دانانا ( كۆتا)یەكێ‌ بۆ ئێزدیان د هەلبژارتنێن پەرلەمانێ‌ هەرێما كوردستانێ‌ دا مافەكی هەرە ڕەوایێ‌ ئێزدیانە،مادەم ئێزدی بەشەكن ژ هەرێما كوردستانێ‌ و هەردەم د پشكدارن د خۆشی و نەخۆشیێن ملڵەتێ‌ كورد دا،دڤێتن هەردەم و ل هەموو وەخت و بەدیلان جیێ‌ خۆ و نوونەرێن خۆ هەبن داكو نوونەرێن وان ژی وەكی هەموو نوونەرێن دی یێن كوردستانێ‌ پشكداربن د پەرلەمان و حكومەتا هەرێما كوردستانێ‌ دا داكو بكارن باشتر دەنگێ‌ خەلكێ‌ خۆ بگەهینن ئەوژی وەكو هەموو پێكهاتەیێن دی یێن هەرێما كوردستانێ‌.
دانانا كۆتا ئێزدیان ب ڕێژەیا ئێزدیان ل هەرێما كوردستانێ‌ مافێ‌ مەیە وەكو هەموو پێكهاتەیێن دی، ژئالیەكی دیڤە ئەگەر بێین و بەرێ‌ خۆ بدەینە كار و خەباتا خەلكێ‌ مە یێ‌ ئێزدی دێ‌ بینین خودان خەباتەكا مەزنن و د دڕێژاهیا دیرۆكێ‌ دا خەبات و بەرگری و شۆرەش و داستانێت مەزن یێن مللەتێ‌ كورد دا كرینە و ل ڕۆژێن سەخت و دژواردا هەردەم ل پێش بووینە،هەر دیسان خودان قوربانیێن مەزن بووینە ل هەموو وەخت و ل هەموو دەمان مل ب ملێ‌ هەموو پێكهاتێن دی بەرەڤانی ژ ئاخا كوردستانێ‌ كریە، هەبوونا كەسێن ئێزدی دناڤ پەرلەمانێ‌ كوردستانێ‌ دا یاساییە و ئێكسانییە و دادپەروەرییە،یا ئیرۆ ل هەرێما كوردستانێ‌ ب ڕێڤەدچت دیار دبت هەموو پێكهاتێن هەرێمێ‌ پشكدارن د پەرلەمان و حكومەتا هەرێما كوردستانێ‌ دا،هەروەسا ژئالیێن دیڤە دڤیا هەموو ئەندامێن پەرلەمانێ‌ كوردستانێ‌ و نوونەرێن هەموو پارتان د پشتەڤانبن ژبۆ چەسپاندنا كۆتا ئێزدیان د پەرلەمانێ‌ كوردستانێ‌ دا ئەو ژی ل دووڤ ڕێژەیا ئێزدیان ل هەرێما كوردستانێ‌.
ئاینێ‌ ئێزدیان ئاینەكی هەرە كەڤنارێ‌ ڤێ‌ ئاخێ‌ یە،لەوما دڤێتن گرنگی پێ‌ بێتە دان و هەر وەكو پێكهاتێن دی ئێزدیان ژی جیێ‌ خۆ هەبت وەك ئاین دناڤا ئاین و پێكهاتێن دیدا هەبت داكو پتر بكارن پشكداربن و پتر ڕۆلێ‌ خۆ ببینن دناڤ سازیێن حكومەتا هەرێما كوردستانێ‌ دا ئەوژی ژبۆ خزمەتا گشتی.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi