ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كاروان خانكی:دا باشتر تەكنەلۆژیایێ‌ بكاربینن؟

دا باشتر تەكنەلۆژیایێ‌ بكاربینن؟
كاروان خانكی
وەك ئەم دبینن ئیرۆ رۆژ تەكنەلۆژیا و سۆشیال میدیایێ‌ رۆلەكێ‌ مەزن دبوارێ‌ ژیانا مە یا رۆژانە دا هەیە،لەورا فەرە ئەم بزانن خوە دگەل بگونجینن و باشی و مفایی ژێ‌ ببینین، بگرە ژ (گوگل،یوتیوب،تۆرێن كۆمەلایەتی وەك فەیسبووك،واتس ئاپ، ئەنستگرامی ….هتد )،هەروەسا رادیۆ،تەلەڤزیۆن،رۆژنامە…هتد،سەرەرای هندێ‌ كارێن مە و هەتا بدەستڤەئینانا داهاتێ‌ مە ژی پێتڤیە ئەم ب باشی بكاربینن و بزانین چاوان بكاربینن و مفایی ل ژیانا خوە یا تایبەت ژی بكەین و بتر دێ‌ لایەنێ‌ باش شرۆڤە كەم.
ب ڤان رێیا بتر دكاری بتر ئاستێ‌ رەوشەنبیریا خوە زێدە بكەی و بتر د تەكنەلۆژیایێ‌ دا یێ‌ مفادار بی و داهاتێ‌ خوە ژی پەیدا بكەی:
1_(زمان)/ ب رێیا سۆشیال میدیایێ‌ خوە فێری زمانەكی بكە ب تایبەتی ژی زمانێ‌ ئینگلیزیێ‌، ژبەركو ئیرۆ رۆژ گەلەك (كۆمپانی، رێكخراو، دەزگەهـ) هەینە ژبەركو ئێك ژ مەرجێن وەرگرتن و بدەستڤەئینانا دەلیڤەیێن كاری زانینا زمانێ‌ ئینگلیزیێ‌ یە، هەروەسا زانین و فێربوونا هەر زمانەكی ئاستێ‌ رەوشەنبیری بەرەف پێش دچت.
2_ ( زێدەكرنا پێزانین و زانینێ‌) : دكاری ب رێیا سۆشیالێ‌ پەرتۆكان ب شێوەیێ‌ pdf ب خوینی و هەم زانیاری و پێزانینان ل خوە زێدەكی و هەم شارازا بی د كەلتۆرێ‌ خواندنێ‌ و هەم ژی وەختێ‌ خۆ یێ‌ ڤالا تژی بكەی، هەروەسا رۆژانە رۆژنامە و تەلەڤزیۆنان تەماشەبكەی و رادیۆیان گۆهداری بكەی و ئنترنێت و راپۆرتان مفایی ژێ‌ بخوینی، هەم وەختێ‌ خوە دەستنیشان بكەی و ب رێك و پێكی ژیانا خۆ ب رێڤە ببەی.
3_(دەستڤەئینانا داهاتی) توو دكاری ب ساناهیترین رێك د مالا خوە دا ئابوورێ‌ خۆ باشتر بكەی، ئەوژی تشتان ب رێیا ئۆنلاینێ‌ ب فرۆشی یان ژی كۆرسان ڤەكەی، یان ژی توو دكاری هەر د چ بیاڤی دا ب باشی كار بكەی و بكڕان پەیدابكەی.
4_(خورتكرنا پەیوەندیان): ئیرۆ رۆژ توو دكاری د ناڤخوەیا وەلاتێ‌ خوەدا چ ب بەلاڤكرنا هاریكاریێن مادی ل سەر هەژاران یانژی ڤەكرنا ورك شۆپ و سمیناران ل سۆشیال و تەكنەلۆژیایێ‌ پێشكێش بكەی و بكاربینی و خۆلێن جۆراوجۆر ژی ڤەكەی، ئەڤە هەموو دبنە ئەگەرێ‌ مفا گەهاندنێ‌ دناڤ جڤاكی دا و پەیوەندی دئێنە خورتكرن و خوەشكرن،هەروەسا ژ دەرڤە ژی توو دكاری پشكداری كۆمبوون و سمیناران ببی ب رێیا پرۆگرام و ئاپێن جیاواز، وەسان پەیوەندی ل سەر ئاستێ‌ تاكەكەسی و گشتی ژی حكومەت دكارت پەیوەندیان دگەل وەلاتێن جۆراوجۆر خورت بكەت.
5_( فێربوونا بوارێ‌ هۆنەری):د یوتوبی دا یانژی هەر رێیەكا دی توو دكاری خوە فێری ئامیرەكێ‌ مۆزیكێ‌ بكەی، و بتر پێزانینان دەست خوەڤە بینی و هەروەسان بتر ژ هۆنەرێ‌ وەلاتێن دی ژی فێر ببی.
6_(جیهانەكا دی): دكاری ب رێیا فلمان یان ژی كورتە فلمان یان دیكیۆمێنتان جیهانەكا دی ببینی كو هەم خەیالن و هەم ژی راستی نە، یان تشتەكێ‌ سەرەنجراكێشە د جهێ‌ خوە دا روونشتی بی و جیهانەكا دی ببینی.
7_(بەرزكرنا پلا خوە یا زانستی): توو دكاری ب رێیێن ئۆنلاینێ‌ بەردەوامیێ‌ بدەیە خواندنا خوە هەم ل كۆرسان بگەری و هەم بخوەندی ئەڤەژی رێیەكا ساناهی یە و خواندن ل زانینگەها ب مفادارترە لێ‌ ئەگەر دیاردەیەكا وەكو نەخۆشییا ( ڤایرۆسێ‌ كۆرۆنایێ‌ كۆڤید19) هەبت توو دكاری ب رێیا ئنترنێتی و سۆشیال میدیایێ‌ هەر بەردەوامیێ‌ بدەیە خواندنا خوە.
ئەڤ خالێن من دەست نیشانكرین و دگەل چەندین خالێن دی ب تنێ‌ من لایەنێ‌ باش یێ‌ بكارئینانا سۆشیال و تەكنەلۆژیایێ‌ بەحس كر و ژ ئالیێ‌ ئابووری و دەروونی و ساخلەمیێ‌ ڤە و …هتد.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi