ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌روان داود :پێتڤیا ئێزدیان ب دبلۆماسیه‌تێ هه‌یه‌ نه‌ ب شه‌رى

مه‌روان داود :پێتڤیا ئێزدیان ب دبلۆماسیه‌تێ هه‌یه‌ نه‌ ب شه‌رى

هه‌ر جیه‌كێ له‌شێ تاكێ ئێزدى ده‌ستێ مرۆڤى ب گه‌هتێ یێ برینداره‌ و خوون ژ هه‌موو دهه‌ره‌كێ، دناڤ ئه‌ڤێ قه‌ره‌باله‌غا د نۆكه‌ دا هه‌ى و د نۆكه‌دا هه‌موو عێراق ب گشتى د ره‌وشه‌كا سیاسى و ئابوورى یا ناله‌بار دا ده‌رباز دبت و تژییه‌ ژ كێشا و ئاریشه‌یێن جودا جودا و هه‌بوونا ده‌ستێن لایه‌نێن ده‌ره‌كى ژى ل سه‌ر عێراقێ، ئه‌ڤ ره‌وشه‌ بتر ئالۆز كریه‌.دناڤ ئه‌ڤى ره‌وشێ هه‌مووێ ژى دا، ئێزدى ژى وه‌كو هه‌موو پێكهاتێن عێراقێ و كوردستانێ بوونه‌ قوربانى و بۆ ماوێ شه‌ش سالان قوربانیێن هه‌ره‌ مه‌زنن و ژ گه‌له‌ك ئالیان ڤه‌ ئێزدى قوربانى نه‌ و ب تایبه‌تى ژى، ئه‌و ناكۆكیێن ل سه‌ر ده‌ڤه‌رێن وان هه‌ین لێ د نۆكه‌دا و د ڤێ ره‌وشا ئالۆز دا، ئێزدى ب خوه‌ دناڤ خوه‌دا هێدى هێدى دبنه‌ پارچه‌ و ئه‌ڤه‌ژى مه‌ترسیه‌كا مه‌زنه‌ ل سه‌ر پاشه‌ڕۆژا تاكێ ئێزدى و تفاق و ئێكگرتنا ئێزدیان دروست دكه‌ت، باشترین رێك ژ بۆ بهێز خستنا ئێزدیان و ئاڤه‌دانكرنا ده‌ڤه‌رین وان، هه‌ر وه‌ك سه‌به‌قه‌یه‌كا قه‌ولێن ئێزدیان كه‌ره‌م دكه‌ت و دبێژت:
ئه‌ز چۆمه‌ دیوانا وى په‌دشایى
لێ هه‌بوو خوه‌شى و شایى
سه‌رێ هه‌موو سه‌را تفاق و ته‌بایى
مرۆڤ دكارێ ب تفاقێ چیایى بدانا سه‌ر چیایى
ئانكو ب تنێ ئێكگرتن و ئێكرێزیا ئێزدیان دێ كێشا و ئاریشێن ناڤخۆیى یێن دناڤ ئێزدیان ب خوه‌ دا و ده‌ره‌كى ژى، چاره‌سه‌ركه‌ت.
د ڤان روودانێن داویێ دا، گه‌له‌ك وه‌سا دبینن هه‌بوونا هێزه‌كا سه‌ربازى ژ بۆ ئێزدیان باشترین چاره‌سه‌رى یه‌، لێ هه‌بوونا هێزه‌كا عه‌سكه‌رى چێدبت هنده‌ك كێشان چاره‌سه‌ر بكه‌ت،به‌س ره‌نگه‌ هنده‌ك كێشه‌یێن مه‌زنتر ڤه‌كه‌ت و په‌نا برنا ئێزدیان بۆ هه‌بوونا هێزه‌كا سه‌ربازى یا سه‌ به‌خۆ دێ مه‌ترسیێن خۆ ژى هه‌بن، ب تایبه‌ت ژى ل شنگال، ژبه‌ركو د نۆكه‌دا عێراق وه‌سان لێهاتیه‌ هه‌ر ئێكى پێنج سه‌د كه‌س هه‌بن، دكارت خوه‌ بكه‌ته‌ خودان حزب و هێز،ئه‌گه‌ر هات و ئه‌ڤ هێزێن جودا جودا زێده‌بوون، وى ده‌مى دێ بته‌ مه‌ترسى ل سه‌ر ئێزدیان و په‌نا برنا شه‌رى، ژبه‌ركو د نۆكه‌دا نه‌ئێزدیان هێزه‌كا مه‌زن هه‌یه‌ ژ روویێ سه‌ربازى ڤه‌ و نه‌ ژ روویێ پێتڤیێن شه‌رى ڤه‌.
ئیرۆ تشتێ هه‌ره‌ باش ژبۆ به‌رژه‌وه‌ندیا ئێزدیان ئه‌وه‌، ئه‌و كه‌سێن نوونه‌راتیا ئێزدیان دكه‌ن، ل چ جیێن دنیایێ بن كێش و ڤه‌كێشێن ئێزدیان ب دیالۆك و رێیێن دبلۆماسى چاره‌سه‌ر بكه‌ن،بێ كو په‌نایێ ببته‌ به‌ر هێزێن له‌شكه‌رى یێن سه‌ربه‌خۆ و شه‌رى، ل شوونا هه‌بوونا هێزه‌كا سه‌ربه‌خۆ بۆ ئێزدیان،بلا ئه‌و هێزێن ل ده‌ڤه‌رێن ئێزدیان هه‌ین سه‌ر ب چ هه‌ردوو حكومه‌تا ڤه‌بن، هه‌موو فه‌رماندار و له‌شكه‌ر ئێزدى بن،داكو ئێزدى ب خۆ ژى هه‌ست ب مه‌غدووریێ نه‌كن و برینێن له‌شێ خوه‌ بكه‌وینن.

س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi