گۆتار ل بن سیبهرا شاپهرێت نوویبوونێ
مللهت محهمهد
گۆتار ئهو پارچه نڤیسینه كو رۆژنامه یان گۆڤار بهلاڤ دكت ب مهبهستا بهرچاڤكرن و بهلاڤكرنا زانیاریان و ببته ئالاڤهكێ رهوشهنبیركرنا جڤاكى و كۆمهلگههێ كهرهستهكێ ههره دیارێ گههاندنا مفاى بۆ جڤاكى و كۆمهلگههێ یان وێ دهڤهرێ و دارشتنهكا مامناڤهندیه بۆ بهلاڤكرنێ ب ئاسانترین یان كورتترین رێك دهربارهى بابهتێ دیاركرى كو نڤیسهر یێ پێ پابهنده ب دهستوورێ بابهتى ڤه،كو چهندین لایهنێن ژیانا مرۆڤاتیێ بخۆڤه دگرت ،چاڤه نێرین و رێك و پێكیا گۆتارێ ئێك ژ وان كار و ئهركانه یێن گرنك كو نڤیسهر ب هوویرى ل سهر دراوهستت كا دێ چاوا گۆتارێ نڤیست،ژبهركو دا بابهتێ گۆتارێ یێ باش و ب هێز بت و ب رێك وپێك بێته دارشتن دڤیابت گرێدانهك و گونجاندنهك دناڤبهرا دهستپێكێ و ناڤهرۆكێ و داویێ دا ههبت،یا بتر بت ژ ئهنجام و هیڤى و ئۆمێدان دا خووندهڤان بێ ئۆمێد نهبت بۆ وێ یهكێ گۆتارا ته ب شێوهیهكى جوان ب داوى بێت دڤێت ڤان خالان بلند و نێزیك ببینت.
1_ كهنگى ؟ یاگرنگه نڤیسهر بزانت كهنگى دێ گۆتارێ نڤیست،چنكو ئهو بابهتێ د ههلبژێرت دڤێت یێ گهرم بت و دهمێ وى ب سهرڤه نهچۆبت،بۆ نموونه بهرى دهمهكێ هاتنا وان پێلێن ئێك ل دووڤ ئێك یێن نهخۆشیا ڤایرۆسێ كۆڤید (19) كۆرۆنایێ یێ گهرم بوو نۆكه نهیا لۆژیكى و رهوایه نڤیسهرهك بنڤیست.
2_ بۆ كێ ؟ نڤیسهرێ هێژا یافهره توو بزانى كو خووندهڤانێ ته ژ ههموو تهخ و چینێن جڤاكى پێك دئێت،ههروهسا ئاستێت وان یێ رهوشهنبیرى و زانستى ژێك جودانه،لهوا دڤێت توو هزر دڤێ چهندێ دا بكهى دنڤیسینێ دا … بزانه كا توو بۆ كێ دنڤیسى؟.
3_دڤێت توو یێ شارهزا بى د دهروونێ خووندهڤانى دا و بزانى خووندهڤان و جڤاكێ ته چ ژ ته دڤێت،ئهگهر ته ئهڤه زانى بێگۆمان توو دێ زانى چاوا بۆ بنڤیسى.
4_سهربهخۆیى و بێ لایهنى دكارى دا و نهكهڤیه ژێر بارێ بابهتێن مادى یان دارایى و مهعنهوى.
5_ پابهندبوون ب راستى و سهرجهم لایهنێن رهوشتى (اخلاقى) پیشهیى ڤه.
6_خووندهڤان ب ئاسانى دكارو بهرههمان دگههت ئهڤه ژى ب رێیا زمانهكێ ساده و رهوان ب جه دئێت.
7_ زمانهكێ زیندى یێ جیهانى ب زانى.
8_شارهزایهكا باش ب داب و نهریت و لایهنێن كۆمهلایهتى یێ كۆمهلگههێ ڤه ههبن.
س.س
تُتاح هذه الصورة أيضا في: کوردی