ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

صباح سمیر:راگەهاندنا كوردی و سەرەدەریەكا شاش دڤەگوهاستنا بوویەران دا

راگەهاندنا كوردی و سەرەدەریەكا شاش دڤەگوهاستنا بوویەران دا
صباح سمیر
ئەڤە دەمەكە چەندین بوویەرێن گرنگ دەما چێدبن ل دەڤەرێن كوردستانێ‌ و ب تایبەتی ل دەڤەرێن پێكهاتەیان،كو دبینم فەرە راستی یا بوویەران وەك خۆ بێتە ڤەگوهاستن ژ پێخەمەت گەهاندنا زانیاریێن راست ل سەر هەر بوویەرەكێ‌،وەكو یا روون و ئاشكەرا هەر دەزگەهەكێ‌ راگەهاندنێ‌ سیاسەتەكا خۆ یا تایبەت هەیە و ب تایبەتی بەشەك ژ فەرمانگەهێن حكومی و نەحكومی ژی ل دۆر هندەك بوویەرێن هەستیار راستی یا بابەتی دیار ناكن و نابنە پرەك ژ بۆ ڤەگوهاستنا زانیاریان.

زۆر جار بەرپرس و میدیاكارێن ب سەر دەزگەهێن راگەهاندنێ‌ ڤە ب شێوەكی نەپیشەیی و نەپرۆفێشنال مایتێكرنێ‌ د بابەتان دا دكن، مەرەم ژ ڤێ‌ چەندێ‌ ئەوە گەلەك ژ راگەهاندنا مە و دەزگەهێن میدیایی وەكو ماكینێن بەلاڤكرنا زانیاریێن شاشن بۆ بینەر و گوهدارا دئێنە ڤەگوهاستن،دەمەكە چاڤدێریا پشكەكا شاشیێن راگەهاندنێ‌ دكەم ژلایێ‌ چەند دەزگەهێن میدیایی ڤە سەرەدەریا نەراست دگەل بابەتان دكن،نابت دەمێ‌ دەزگەهێ‌ راگەهاندنێ‌ بوویەرەكێ‌ ڤەگوهێزت سەرەدەری ل سەر وی ئاستی دگەل بێتە كرن كو ل سەر بناغێ‌ ئۆلی یان نەتەوەیی یان ژی دەڤەری بێتە ڤەگوهاستن و ژبۆ شكاندنا وێ‌ ئۆلێ‌ یان نەتەوێ‌ بت ،دڤێت وەك تاك یان ژی كەس ب پیشەیی سەرەدەری دگەل بابەتی بێتە كرن وەك راگەهاندن و بێ‌ كو راستیا ب شێوینن ل بەر خەلكێ‌،ئەڤ چەندە بتر تێكڤەدانێ‌ دكن و دبتە ئەگەرێ‌ پەیدابوونا كەرب و كینێ‌ و دل رەقیێ‌ دناڤا خەلكی دا و جڤاكی دكەتە دوو پشك.

راگەهاندنا راست و دروست ئەوە ب شێوەكی بێتە ڤەگوهاستن كو وەكو خۆ و بێ‌ مایتێكرن دگهۆرینا راستیان دا و فەرە ئەو دەزگەهێ‌ میدیایی بێ‌ لایەن بن،ژبەركو رۆلێ‌ راستەقینەیێ‌ وی دەزگەهی دیار دبت د تێكدانا سەقامگیریێ‌ دا و دبتە ئەگەرێ‌ نەبەرقراركرنا ئاسایش و دەروونێ‌ خەلكی و ئەڤێ‌ چەندێ‌ ژی دێ‌ باندۆرێن خراب ل سەر رەوشا خەلكی و جڤاكی هەبن،ل سەر ڤێ‌ كارتێكرنێ‌ جڤاك ب خۆ ژی وێ‌ ب سەر دوو تەوەران ڤە بێتە دابەشكرن،ئەڤجا رۆلێ‌ هەر كەسی و هەر دەزگەهەكێ‌ دبوارێ‌ راگەهاندنێ‌ دا دڤێت هندەك پرەنسیپ بێنە پاراستن و شاشی نێنە ڤەگوهاستن ل دووڤ حەزا.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi