ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جەمال كودی:بنگەهێ‌ لالش وبزاڤا بەردەوام

بنگەهێ‌ لالش وبزاڤا بەردەوام
جەمال كودی
بەری ب كورتی چەند ڕێزەكا ل دۆر سالڕۆژا دامەزراندنا بنگەهێ‌ لالش یێ‌ رەوشەنبیری وكۆمەلایەتی وەك ل بیرئانینا29سالیا وی بنڤیسم؛بفەر دزانم بدەمە دیاركرن كو یەكەمین سالڤەگەرە بێ‌ ئامادەبوونا دووخەمخۆرێت ئێزدیاتیێ‌ وئەوێن هەردەم دڤیان ئێزدیاتی ل گۆر داب ونەریتێن رەسەن بمینت مامۆستا ونڤیسكار پیرخدر سلێمان و شێخ شامۆ،نائێتە ڤەشارتن ڤان هەردوو كەسایەتیا پێنگاڤێن باش هاڤێتن ژبۆ كەلتۆر ودیرۆكا ئێزدیان، ب راستی ئەگەر ئەو وەكی هەرسال دناڤ رێورەسمێن ساخكرنا بیرەوەریا بنگەهێ‌ لالش دا دئامادەبانە دێ‌ رەوشەكا دی با لێ‌ قەدەرێ‌ نەهێلا ئەو بڤێ‌ سالڤەگەرێ‌ شاد بن وخاترا خوە یا داویێ‌ ژمە خواستن و وەغەرا وان زیانەك مەزن گەهاندە جڤاكێ‌ ئێزدی، هەزارسلاڤ ل گیانێ‌ وان بن.

نائێتە ڤەشارتن كوئەڤە ماوێ‌ 29 سالایە بنگەهێ‌ لالش یێ‌ رەوشەنبیری وكۆمەلایەتی بەردەوام كار و خەباتا خۆ دكت ژبۆگەهاندنا وێ‌ پەیاما پیرۆ،ب ئارمانجا نرخاندن وتۆماركرنا مێژوو وداب ونەریت وكەلتۆرێ‌ رەسەنێ‌ ئێزدیاتیێ‌،هەرچەندە ئەم نكارین ب درێژی بەحسێ‌ چالاكی ودەستكەفتێن ڤی بنگەهی بكەین،بەلێ‌ دچەند سالێن بۆری دا كاریە رۆلەكێ‌ ئێكجار بەرچاڤ ببینت ئەوژی دبوارێ‌ دانەنیاسینا رێورەسمێن ئێزدیان ژبۆ وان ڤەكۆلەر و رۆژنامەڤان وچالاكڤانێت بیانی، ژبلی تۆماركرن ودیكیۆمێنتكرنا ئەرشیفەكێ‌ باش ژوان بوویەرێن كارەساتا شنگال ئەوا 3/8/2014روودای وتا نهۆ ژی خەلكێ‌ مە یێ‌ قوربانیێ‌ ددەت، هەر دیسان خالەكا دی یاگرنگ من دڤێت ئاماژێ‌ ب دەمێ‌ ئەوژی د دەمەكی ژبەر بارودۆخێ‌ ئێزدیا ل پارێزگەها مووسل بنگەهێ‌ لالش ب هەڤكاری وهەماهەنگیا وەزارەتا خووندنا بلند كاری ژمارەكا زۆرا قوتابیێت ئێزدی ژ زانكۆیا مووسل ڤەگوهێزتە زانكۆیێت هەرێمێ‌،چنكو ئەوژی هاریكاریەكا مەزن بوو ژبۆ پاشەرۆژا قوتابیێن ئێزدی كو بكارن بەردەوامیێ‌ بدەنە خووندنا خۆ.
ب هەر ئاوایەكی ودڤان كاودانا دا گرنگە ئەم ڤێ‌ رۆژێ‌12/5/1993 بلند ب نرخینین و ب رۆژەكا دیرۆكی ل بیربینین،داكو بنگەهێ‌ لالش یێ‌ رەوشەنبیری وكۆمەلایەتی بەردەوام ل گۆر سیستەم وشێوازێن سەردەم وزانستی دخزمەتا ناساندنا بیروباوەر و فەلسەفا ئۆلا ئێزدیان دا بت، چنكو جڤاكێ‌ ئێزدی ئیرۆ بتر ژهەر دەمەكی پێتڤی ب بنگەه وسازیێن فەرمی هەیە ب تایبەتی دبوارێ‌ تۆماركرن وبەلگەكرنا جینۆسایدا ئێزدیان وخۆشكرنا دەلیڤێ‌ بۆ تەڤ نڤیسكار و چالاكڤان ورەوشەنبیرا ل هەر دەڤەرەكێ‌،هەژیە گۆتنێ‌ یە كو حكومەتا هەرێما كوردستانێ‌ هەردەم پشتەڤان وهاریكار بوویە ژبۆ بەردەوامیا كار وخەباتا بنگەهی، ئەڤ هەلكەفتا دیرۆكی ل تەڤ ئێزدیان پیرۆزب،هیڤیا مە ئەوە لالش هەردەم كانیەكە زەلال بت بهۆڕتە رووبارێ‌ رەوشەنبیریا كوردی.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi