رۆلێ ئافرەتا كورد د راگەهاندنێ دا
جەمیلا حازم
هەر كارەكی ئافرەت بكت رۆلەكێ باش دگێرت، راگەهاندن ژی دوور نینە ژوان كارێن دكت، بەلێ هەتا نهۆ رۆلێ ئافرەتا كورد د راگەهاندنێ دا ب گشتی زۆر یێ كێمە ئەوژی چەند ئەگەرن ژوانژی كۆمەلگەهـ و جڤاك و خێزان و چەندین ئەگەرێن دیتر، لێ خۆراگریا ئافرەتێ و بەرسنگگرتنا ئاستەنگێن جڤاكی كاریە تا رادەیەكێ زۆرباش سەربكەڤن و ببنە وزە بۆ وان ئافرەتێن حەز لسەر راگەهاندنێ هەی.
ئەگەر نهۆ بەراورد بكەین دگەل سالێن نۆتان و سەردا، جیاوازیەكا زۆرباش چێبوویە و پێشكەفتنەكا مەزن پەیدابوویە، ژبەركو نهۆ گەلەك ئافرەت هەینە د مەیدانا راگەهاندنێ دا كاردكن ئەڤە ژی وێ چەندێ دیاردكت ئافرەت یە سەركەفتیە لسەر وان داب و نەریتێن پاشكەفتی یێن جڤاكی و كاریە وان رێگری و نەریتان لاواز بكت و نەهێلت ببنە ئاستەنگ ل پێشیا وێ دا لێ ئەو رێگرینە هەر ماینە چ كێم یان ناڤنجی، لەورا پێتڤیە ئافرەت بتر خۆ ماندی بكت و قوربانیێ بدەت ژ پێخەمەت پیشكەفتنێ دبیاڤێ راگەهاندنێ دا بۆ نموونە جانگۆریا راگەهاندكار (شیفا گەردی) ئیك ژ وان ئافرەتێن خۆراگر بوویە و زۆر ب زیرەكی و ب وێرەكی و بێ ترس ئەركێ خۆ جێبەجێكریە و وەكو جەنگاوەرەكا شەری ب مایكا خۆ ب پەیڤا ئازاد شەركریە هەتا رۆژا هاتیە شەهیدكرن.
هەروەسا راستە دەركەفتنا ئافرەتێ لسەر شاشێن تەلەفزیۆنان زەحمەت بوویە، لێ دڤێت ئافرەت یا خۆراگر بت و هێز و شیان هەبن داكو دكارێ خۆدا یە سەركەفتی بت،جیهانا ئیرۆ پالپشتیەكا مەزن ددەتە راگەهاندنێ و دڤێ رێكێ را ئافرەت دكارت بگەهتە گەلەك هیڤی و حەزێن خۆ،چنكو راگەهاندن ئەو پەیاما پیرۆز و گرنگە كو بكارت ببتە پرا پەیوەندیێ دناڤبەرا خەلكی و جیێن شۆلەژێ دا، كەواتە بخۆ دێ كارت ببتە پشكەك ژ چارەسەركرنا كێشە و ئاریشێن خۆ.
تُتاح هذه الصورة أيضا في: کوردی