ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەهدی حەسەن موراد:هەلبژارتن…بەرەف رۆژەكا چارەنڤیساز

هەلبژارتن…بەرەف رۆژەكا چارەنڤیساز
مەهدی حەسەن موراد
ژبلی كوردستانێ‌ دڤیا ب زانین عەردەك ل جیهانێ‌ نینە بناڤێ‌ ئێزدیخان، دیرۆك و مێژوو دیاردكت كوردستان وارگەهێ‌ ئێزدیانە و رەسەنترین كورد ئێزدینە و جەنابێ‌ سەرۆك بارزانی هەردەم ڤێ‌ گۆتنێ‌ دووپات دكت، ل دەمێ‌ تیرۆرستێن داعش شنگال داگیركری ئێزدیێن شنگالێ‌ ب تایبەتی و ئێزدیێن ئێزدیخانێ‌ ب گشتی كەفتنە د رەوشەكا گەلەك خراب دا، هەر چەندە ئاوارەی كوردستانێ‌ بوون و خەلكێ‌ شەرەفمەندێ‌ كوردستانێ‌ رێزەكا مەزن ل ئێزدیان گرتن و لسەر ئامۆژگاریێت سەرۆك بارزانی دەرگەهێن مزگەفت و مالێن خۆ ڤەكرن و د هاوارا ئێزدیان هاتن و كور و كچێن وان ل پێناڤی شنگالێ‌ و ئێزدیان شەهیدبوون، ئەڤ چەندە ژی بۆ جارا ئێكێ‌ بوو موسلمان بڤی رەنگی د هاوارا ئێزدیان هاتین و ئێزدیان قورتال دكن ژ دەستێ‌ كافران و فرمانێ‌، ئەڤە ژی ب هیمەتا پێشمەرگەی و هەبوونا سەرۆك بارزانی، راستە نهۆ ژین و ژیارا مرۆڤێ‌ ئێزدی گەلەك بێ‌ سەرووبەرە و رەوشەكا نالەبارە و سەخت و دژوارە بەلێ‌ نابت بێ‌ ئۆمێد بین و خۆ رادەستی خۆ فرۆش و دیڤەلانكێن داگیركەرا بكەین و خۆ ژ كوردستانێ‌ بێ‌ بار كەین دێ‌ زەرەرمەندێن ئێكێ‌ ئەم ئێزدی بین گاڤا مە خۆ ژ كوردستانێ‌ دوورئێخست،ژبەركو دێ‌ بێ‌ وەلات بین، دڤیا ب زانین تەنها جی ل جیهانێ‌ ئێزدیان هەی كوردستانە و ئەو وەلاتێ‌ باب و باپیرانە و جیێ‌ پەرستگەها لالش و قوب و هلێل و گۆرستانێن مە ئێزدیان لێ‌ هەی و ئەڤ عەردێ‌ ب ملك و زارێ‌ خۆ دزانین كوردستانە،دیسان دڤیا ب زانین هەلویستێ‌ سەرۆك بارزانی و پشتەڤانیا وی یا بێ‌ سنوور ژبۆ ئێزدیان و ئێزدیاتیێ‌ كو هێلا سۆرە بۆ هەر كەسەكی دەست درێژیەكێ‌ لسەر ئێزدیان بكت، سەرۆك بارزانی هەردەم خەمخۆر و دلسۆزێ‌ ئێزدیاتیێ‌ بوویە و هیچ كەسەك وەكو وی نینە، هەر چەندە دوژمنێن كوردستانێ‌ گەلەكن و هەر گاڤ ب بەهانەكێ‌ دربەكێ‌ ل كوردستانێ‌ ددەن و ئەڤ جارە ژی بناڤێ‌ ئیسلاما توندرەو هێرشێ‌ كرنە سەر ئێزدیان و هەر كەمە ئاین و نەتەوەكا ل كوردستانێ‌ و ئەو دوژمن وەسان هزردكت ئەڤ چەندە بۆ وان یە دروستە،لەوران دڤێت دەستا دانەنێن و ئێك هەلویست و ئێك هێزبین ل دژی نەیار و دوژمنان یان ژی دێ‌ كوردستانێ‌ چۆل كەین بۆ ڤان گرۆپێن توندرەو یێن وەكو تیرۆرستێن داعش و پاشماوێن وێ‌،سەركردایەتیا سیاسی و ب تایبەت سەرۆك بارزانی هەموو هەولێن خۆ د دەت ئێزدیاتی ل كوردستانێ‌ هەبت ژبەركو كوردستان وارگەهێ‌ ئێزدیانە و كوردێن رەسەنن لەوما ژی ژ مە دئێتە خواستن هەر گاڤ ب هەموو هەولێن خۆ پشتەڤانێن سەرۆكێ‌ خۆ بین و دگەل رێبازا بارزانیێ‌ نەمر بین و ل كوردستانێ‌ خۆ ب پێكهاتا رەسەن بزانین، لێ‌ هندەك لایەنێن سیاسی ل ڤێ‌ فرمانا هاتیە سەر ئێزدیخانێ‌ و كوردستانێ‌ نەخاسمە ل ڤان سالێن بۆری و هەتا نهۆ ژی یێ‌ هەولا ڤەقەتاندنا ئێزدیان ژ كوردستانێ‌ د دەن داكو ژ پارتی و بارزانی ڤەبن ئەڤ چەندە ژی گەلەك یە ب مەترسیدارە و دڤێت ئێزدی د هشیار بن و ل ڤان هەلبژارتنان ئەم یێ‌ بەرەف رۆژەكا چارەنڤیساز دچین كو ئەوژی هەلبژارتنێن پەرلەمانێ‌ عێراقا فیدرالن داكو د دەرهەقێ‌ رۆح و ئاخا خۆ دەربكەڤین و فشار و گڤاشتنان ل بەغدا زێدە بكەین و د پاراستی بین دڤێت ئەم ئێزدی پشكداریەكا بەرفرەهـ د هەلبژارتنان دا بكەین و دەنگ ب بەربژێرێن پارتی بدەین و رۆلەكێ‌ بەرز ب نرخینن بۆ سەركەفتنا بەربژێرێن پارتی كو نامەكێ‌ ب گەهینن بەغدا ئەم ئێزدی د رێیا كوردستانێ‌ دا گەهشتین و بێ‌ بار نەبین ل پەرلەمانێ‌ عێراقێ‌ و رێ‌ نەدەین خۆفرۆش و نەیار یاریا ب چارەنڤیسێ‌ مە ئێزدیان بكن و بنە رێگرێن ڤەگەراندنا ئاوارێن شنگالێ‌ بۆ ناڤ مال و حالێ‌ خۆ و نەهێلن رێكەفتنا شنگالێ‌ جێبەجێ‌ بت و مە ئێزدیان ژ كوردستانێ‌ ڤەقەتینن و چارەنڤیسەكێ‌ رەش ل پێشیا مەدانێن،ژبەركو چۆنا مە ئێزدیان بۆ سەر سندۆقێن دەنگدانێ‌ و سەركەفتنا بەربژێرێن مە رێگریە ژبۆ كاندیدێن عەرەبێن حەدیدی و خۆ فرۆشێن كەركوك و زەلامێن حەشدا شەعبی یە،بۆ پەرلەمانێ‌ عێراقێ‌ ئەگەر كاندیدێ‌ ئێزدی دەرنەكەفت كاندیدێ‌ عەرەب دێ‌ سەركەفت، ب هەبوونا پەرلەمانتارێن ئێزدی دێ‌ مافێن مە یێن ئۆلی و نشتیمانی ژی بەرپا بن ل عێراقێ‌ و كوردستانێ‌ لەوا ژ مە دئێتە خواستن هەموو هەولێن خۆ بدەین بۆ سەركەفتنا بەربژێرێن پارتی و سەركردایەتیا پارتی و سەرۆك بارزانی ب هەبوونا بەربژێرێن ئێزدی شادبكەین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi