ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

تەحسین ناڤشكی:كارتێكرنا كێمبوونا زارۆكبوونێ‌ لسەر قوتابخانان

كارتێكرنا كێمبوونا زارۆكبوونێ‌ لسەر قوتابخانان
تەحسین ناڤشكی
د وەلاتێن پێشكەفتی دا، خەلكەك بۆ خۆ ب شێوازەكێ‌ زانستی سیستەمێ‌ بوون و نەبوونا زارۆكان (رێكخستنا خێزانێ‌) ددانن، لێ‌ جڤاكێن خودان سیستەمێن حوكمرانیا لاواز، هەر ئێك وەكی خۆ چاڤلێكرنا جڤاكێن ‌پێشكەفتی دكن و بتریا وان هژمارەكا كێم یا زارۆكان دئینن، بێی كو هەست ب بەرپرسیاریا رێكخستنا خێزانێ‌ بكن كو ل پاشەرۆژێ‌ رەنگەڤەدانەكا نەرێنی لسەر وەلاتێ‌ وان هەبت،راستە ئەو سیستەمێن هەڤچەرخێن رێكخستنا خێزانی خەلكەكی بۆ خۆ ژ مێژە داناین سیستەمێ‌ گەلەك وەلاتانە و ب رێیێن میتۆدێ‌ زانستی هاتینە دانان، لێ‌ سیستەمێ‌ هەرێمێ‌ خەلكەكی ب چاڤلێكرن و گۆترەیی ئانكو عەشوائی بۆ خۆ دانایە، ژبەركو كاودانێن ئابووری یێن كوردستانێ‌ نەدئاستێ‌ پێتڤی دانە و دەرفەتێن كاری گەلەك دكێمن و هەڤژین نكارن زارۆكان وەكی پێتڤی ب خودان بكن،دبت ژی هندەك ژبەر خۆشیا خۆ گەلەك زارۆكان نائینن ب هەر رەنگێ‌ هەی، ئەڤی سیستەمێ‌ گۆترەیی (عشوائی) یێ‌ رێكخستنا خێزانی ل پاشەرۆژێ‌ دێ‌ كارتێكرنەكا نەرێنی لسەر رەوشا كوردستانێ‌ هەبت و دوور نینە بگەهتە وی راددەی ئێدی گەلەك قوتابی و گەلەك قوتابخانە بێنە گرتن،ئەڤە ب داتایێن فەرمی ل ڤێ‌ داویێ‌ دیار بوویە لدووڤ وان داتایێن رێڤەبەریا گشتی یا ساخلەمیا پارێزگەها دهۆكێ‌ بەری نێزیكی دوو سالان راگەهاندین سەبارەت رێژەیا زاڕۆكبوونێ‌ ل سالا (2019)ێ‌ هەڤبەركرن دگەل سالا (2018) بتر ژ (7000) زارۆیان ل پارێزگەها دهۆكێ‌ ب تنێ‌ ل كێمیێ‌ دایە! واتە بڤی دەستوداری پشتی چار سالێن دی دێ‌ چاردە قوتابخانە ل دهۆكێ‌ ب تنێ‌ ل كێمیێ‌ دەن، هەكە هات و من گرتی ( لنفرچ) هەر قوتابخانەیەكێ‌ (500) قوتابی تێدا بن،ئەڤ دیاردە ژی مینا گەلەك دیاردەیێن هەرێما كوردستانێ‌ تووش دبت و بێی ب رێیێن دروست و دلسۆزانە بێنە چارەكرن،دێ‌ كارتێكرنەكا وێرانكەر لسەر دیمۆگرافیا هەرێمێ‌ هەبت، هەكە ب دروستی نەئێتە چارەكرن، پرسیارا دئێت ما كی نابێژت سوباهی چارەنڤیسێ‌ كوردستانێ‌ ناكەفتە سەر هژمارا ئاكنجیێن وێ‌، هەكە هەر سال ب هەزاران زارۆیان هەڤبەركرن دگەل سالا بەری هنگێ‌ ل كێمیێ‌ دا، ڤێجا هنگێ‌ سیاسەتڤانێن مە دێ‌ چ بێژن؟.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi