ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عەمار خەلەف:مـــایـتێكرن و جڤاكێ‌ كوردی

مـــایـتێكرن و جڤاكێ‌ كوردی
عەمار خەلەف
كارەساتا مەزن یا مرۆڤان هێشتا چاڤێن مە تێر نەبوویە ئەرێ‌ دێ‌ كەنگی گیانێ‌ مە تێربت! ،مایتێكرن ئێكە ژ دیاردێن بەربەلاڤ دناڤ كۆمەلگەهان دا ژوان كۆمەلگەها ژی ب تایبەت یێن تازە پێدگەهن، دوو جۆرێن مایتێكرنێ‌ ژی هەینە ئەو ژی (باش و خراپ) ئەڤجا چ ب شێوەكی راستەوخۆ یان نەراستەوخۆ لەوران جڤاكێ‌ مە یێ‌ كوردی ژی بێ‌ بەهر نەبوویە ژ ئەڤێ‌ دیاردێ‌ و ‌ژ هەموو لایان ڤە ئەگەر ئەم هزر و بەڕێخودانەكێ‌ د ئەڤێ‌ دیاردێ‌ دا بكەین دێ‌ بینین ئەنجامێن وێ‌ بتری نەدباشن ئانكو نەئەنجامەكێ‌ دلخۆشكەرە ئەڤەژی ب گشتی ڤەناگەرت ژبۆ ڤێ‌ دیاردێ‌،چنكو دبت ژلایەكی ڤە ئەنجام دلخۆشكەربن ئەوژی دلایەنێ‌ زانستی دا دەما كو(دەرونزانەك،كەسایەتیەكێ‌ ئاینی،ئەندازیارەك،نۆژدارەك)ئانكو كەسانێن زاناو خودان سەڕبۆر مایتێكڕنێ‌ د كارەكێ‌ پەیوەست د بسپۆریا خۆ دا دكن هەلبەت ئەنجامێن ڤێ‌ چەندێ‌ د دلخۆشكەرن،ل جڤاكێ‌ مە یێ‌ كوردی دا دیاردەیەكا هەرە زیق و نەجوان مایتێكرنە نموونەكێ‌ لسەر ڤێ‌ چەندێ‌ ژی ئەو ژی مرۆڤەكی ژبەر نەزانینا خۆ و هزرێن خۆ یێن بەرتەنگ خووندنا خۆ هێلا و نكاری دەوامەكێ‌ ل جیەكی بكەتن،دگۆتە قوتابیەكێ‌ پۆلا شەشێ‌ ئامادەیی هەر جارا تەدڤێت بخوونی و باش خووندنێ‌ وەرگرە و دڤێت توو تێر خوارنێ‌ بخۆی و رۆژانە بتر ژ (12)دەمژمێڕا بخوونی و ب شەڤێ‌ ب هیچ شێوەكی نەخوونە،دپلانا قوتابی دا هەبوو رۆژانە هەشت دەمژمێرا بخوونت و دابەش كربوون لسەردەمێن رۆژێ‌ ،ئەڤ قوتابی یە كەفتە هزرا و گۆت وەسا دیارە پلانا من یاخووندنێ‌ نەیا گونجایە رابوو گوهداریا وی كر بوو ئەگەرێ‌ هندێ‌ قوتابی سەرنەكەڤتن چنكو ئەڤ چەندا هەنێ‌ بوو ئەگەر هەتا ئەوی كەسی پلانا خۆ گهۆری وەختەكێ‌ زێدە ژی ژناڤچۆ و دیسان ل زانستی دا ئەگەر توو كەسەكێ‌ برسی بی چێترە خووندنێ‌ دێ‌ وەرگری، ژ ئەنجامێ‌ ڤێ‌ مایتێكرنێ‌ قوتابی بوو قوربانی، دكتۆر عەلی شەریعەتی دبێژت بۆتە باشترە بەهشتێ‌ مسۆگەر بكەی و جیێ‌ توو ب مینیە ب مایتێكرنا خەلكێ‌ ڤە كا دێ‌ كی چت جەهنمێ‌؟)،ئەگەر ژ روویێ‌ ئاینی ڤە بەرێ‌ خۆ بدەینێ‌ مایتێكرن ئێكە ژوان دیاردێن نەجوان و خراب جیێ‌ قەبوولكرنێ‌ نینە، لێ‌ مخابن جیێ‌ ئەم رابین رێزێ‌ ل ژیانا خۆ یا تاكەكەسی بگرین و خۆش بكەین ئەم خۆ ب خەلكێ‌ ڤە مژوویل دكەین، و رستێن ژیانا وی دنڤیست،ئێدی بلا فێر ببین هەر كەسەكی ئازادە چەوا ژیانا خۆ برێڤە دبەت، خەونا ب سامانێ‌ خەلكێ‌َ نەبینە لدووڤ راستیا خۆ بگەرە دا ژ خەونا خلاس ببی،لەوران دڤێتن ئەم هەموو هەولان بدەین ئەڤێ‌ دیاردا مایتێكرنا خەلەت ژ دەڤ خۆ نەهێلین داكو بكارین جڤاكەكێ‌ هشیار و زانا و تێگەهشتی ئاڤابكەین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi