ژبۆ کوردستانەکا ئازاد و سەربه‌خۆ دڤیا ئەم ھەموو وەك بارزانیێ نەمر ھزر د كوردستانێ دا بكەین
مەھدی حەسەن 
رێبەرێ بزاڤا ئازاديخوازا گەلێ كورد بابێ روحى و نەتەوەى ( مەلا مستەفا بارزانى) ل شۆڕەشا ئەيلولێ وەسا بەرێ خو دەتا گەلێ كوردستانى ب ھەمى پيكھاتێن جەماوەرى و پيشەى ڤە دبێژت ::(ئەبێ فەخرو ئيعتزاز بەو ميللەتە بكەين، جونكە ئەوەى ئەو ميللەتە تەحمولى كردووە لە تاقەتى بەشەر خاريجە، وە ھەروەك ھەزار جار گوتوومە ئەوە فەخرو سەربەرزييە تەنيا ھەر بۆ ئەوانە نييە كە تەفەنگيان ل سەر ملى خۆ داناوە ، بەلكو ھەموو فەلاحێكى كورد، ھەموو ئافرەتێكى كورد وپیر جوان ومناڵى كورد ، ھەموو لەو بتووڵەتە بەشدارن ، لەو سەروەرييە ھەموو كەس زۆر ئەزيەتى ديتوون و عەزابى بەسەر ھاتووە)بێ شک تەڤایا گەلێ کوردستانێ ب ھەمی تەخ و چینێن خۆ ڤە ستەم و زولم لێ ھاتییە کرن و ئێش و ئازار ل بن دەستێ داگیرکەرا دیتینە ،ل پێ ناڤێ کورد و کوردستانێ ، ھەر گاڤەکا سەرێ خو ھلداینە پیلانێن ئەقلیمی و دەولی ھاتینە گێران بۆ نەمانا بزاڤ و شۆرەشێن کوردی و دربێن ھەرە مەزن ل جەرگێ کوردستانێ داینە ، ئەنجامێن ڤێ سیاسەتا فاشیست و دورندانە گەلێ کورد ھەر گاڤ دەربەدەر و مال وێران بینە و مال و ملکێن ھەر کوردستانیەکی ھاتیە دەستەسەرکرن نەخاسمە پشتی نەمانا شۆرەشا ئەیلولا مەزن بێ جوداھی یێ پشکداری شۆرەشێ بی و نەبی کەفتە بن شالاوێن بەعسیا و زولم و زۆرداریەکا ھەرە مەزن ل مللەتی ھاتە کرن کو بتریا دەڤەرێن کوردستانێ ھاتن تەعریب و ئەنفال و کیمیا بارانکرن ، لێ جھێ داخێ بو پشتی نکسە سالا ١٩٧٥ و ھەتا سەرھلدانا بەھارا سالا ١٩٩١ پێشمەرگەھێ گیان فیدا شەرێ مان و نەمانێ دکر لدیف دروشمێ یان کوردستان یان نەمان ، دیسا ھندەک کەسێن خۆفرۆش چونە ناڤ رێزێن دوژمنا و ل سەر رێکەکا شاش دژی گەلێ خو راوستیان ئەو ژی ژبەر وێ سیاسەتا زالمانە چ ژ ترسا چ ب نەچاری کەتن بەرەیێ خیانەتکاریێ یان بێ باوەریا وان ب شۆرەشێ دزی گەلێ خو راوستیان ، لێ خوشبەختانە ل سەرھلدانا بەھارا سالا ١٩٩١ بەرەی کوردستانی و شەخسێ جەنابێ سەرۆک مەسعود بارزانی بریارا لێ بورینا گشتی دا بو ھەر کەسێ ڤەگەرێتە کوردستانێ ب مەرج جارەکا دی خیانەتێ نەکەن ب خۆشحالی ڤە ھەمی ئەو کەسێن ھەلخلتیاین جارەکا دی گەھشتن ناڤ رێزێن جەماوەری ، لێ مەبەستا من د ڤێ مەقالێ دا ئەڤ دیاردا ل نک ھندەک ھەڤال و دۆست و ھەڤچەپەرێن مە پەیدا بی کو ھەر گاڤ گازندا ژ ئەڤ کەسێن ھاتینە لێ بۆرێن و گەھشتینا ناڤ رێزێن مللەتی و نھا ھندەک ژ وان کار د کەن دناڤ دام و دەزگەھێن میری و حزبی دا یان ل ڤێ دوماھیکێ ھندەک پوست وەرگرتین خەلکێ مە یێ شۆرەشگێر نیگەران بینە ب پوتەدانا پارتی ب ڤان کەسا ، دڤیا ئەم ژ ڤێ چەندێ مەزنتربین ھەکەر کەسەکی ھەژی و خودان باورنامە و پسپۆر و دلشوزێ وەلات بیت ھەگەر ل سەر دەمێ رژێما گۆربەگۆر شاشیەك ژی كربت ئەم رازی بین ھەر بەرپرساتیەکا ھەبیت ب رێڤەبەن ، یان ژی ھەگەر ب دیتنەکا کەسوکی بەرێ خو ب دەین ڤی بابەتی نورمالا مرۆڤی گازندە ھەبن بەس ھەگەر ژ بو کوردستانەکا ئازاد و سەربخو بەرێ خو ب دەین ڤان کەسا دڤیا ئەم سەربەرز بین کو ئەڤ کەسێن دوھی بەرسنگێ مە دگرتن ئەڤرۆ چەک ھلگرن و خزمەتێ بو کوردستانێ ب کەن و دەست بەرداری بیروباوەرێن خو بن کارەک باشە ، ژبەر کو ئارمانجا ھەر کورد پەروەرەکی رێکخستنا ناڤ مالا کوردا یە ب جودا بینا ڤان کەسا دێ زەرەر و زیان گەھت مللەتی ژبەر کو رێزەکا ھەر مەزن ھاتینە خاپاندن ، دڤیا ب زانین کار ل سەر ڤان مرۆڤان بێتە کرن ، پارتی ژ مللەتی یێ دروست بی و ل پێناڤێ مللەتی یێ کەتیا قادا خەباتێ و تێکوشینێ ژ بو رزگارکرنا مرۆڤێ کورد و کورستانێ ، لێ بورێن و پێکڤەکار کرن رێبازا پارتی و بارزانی یە ، ئەم ھەمی باش د زانین ئەڤ کەڤنە بەعسی و چەتە و خۆفرۆشێن کوردستانێ ھەگەر نھا ئەم کوردستانێ ھەمیێ ل سەر ناڤێ ھندەک ژ وان تاپۆ کەین بو وان غولامەتیا عەرەبەکی پێخواس خوشترە لێ ئەم باش ب ئاگرێ ناڤ دلێ وان دزانین بەس یێن کەتین ناڤ کەتواری دا ، ژ لایەکی دیڤە ئارمانجا مە روخاندنا رژێما گۆربەگۆر و سەرانێن بەعسیا بو ، ئەم گەھشتین مرازا خو و نھا ژی ببینن کوردستانەکا ئازاد و مرۆڤ تێدا ئی سەربەست و سەربلند ئەڤە ژێ منێکەکا مەزنە ، ب دیتنا من سەرکەفتنا بیروباورا مەزنترە ژ ھەر پۆست و پایەکێ وەکی دی دەمێ ئەم دبینن اغایەک مستشارەک رەفیقەق استخباراتەک ئەمنەک چەتەک ئەڤێن خۆفرۆش یێ خو ب کوردێ عەیار ٢٤ د زانت دڤیا کوردێ دلشوز و خودان خزمەت و خەبات ب گرنەژین ڤە بەرێ خو ب دەتێ کو خۆفروشەک ئینایە سەر رێکا راست و دروست ئەڤە ژی ھنەرا کادرێ پارتی و بارزانی یە .
ژ لایەکی دیڤە ھەر کەسانەکی کورد پەروەر و تایبەت کادر و لایەنگرێن پارتی و بارزانی ئەم باش د ڤان مرۆڤێن خۆفرۆش د گەھین کا چاوا وان ژین و ژیانا خۆش ڤیا یە ل تەنگاڤیا و چەکێ دوژمنی ھلگرتیە بەرامبەر پێشمەرگەھی ئەم دزانین ئەو کینە وەکی ل ڤێ گوتنا بارزانى يێ نەمر دبێژت :
مرۆڤى دوو تشتێن عەزيز ھەينە، ئەو ژى شەرەف و ژيانن، مرۆڤ يان ژيانێ دەكاتە قوربانى شەرەفى يان شەرفى دەكاتە قوربانى ژيانێ ، ئەز ژيانێ دێ كەمە قوربانى ل پێناڤێ شەرفێ دا چونكە ژيان بەبێ شەرف بوونێكى نيە، شەرف دێ مێنێت و ژيان بەسەر دەجێت، شەرەفا من ژى كەرامەتا گەلێ منە..
بارزانیێ نەمر قوتابخانەکا کوردایەتیێ بو ژ بۆ مە ھەمیا ئەم ل سەر رێبازا وی بچین دێ گەھین ئارمانجێن خو ئەو گۆتنێن بو مە گۆتین چی ل شۆرەشێن بارزان و شۆرەشێن کوردستانێ و خەلک ھشیار کری و فێرکرین ئەم نھا د ژیانا خو یا پارتایەتیێ و چڤاکی ئیداری و لەشکەری دا جیبەجی بکەین دێ سەرفرازبن وەکی ل ڤان گۆتنێن لخارێ :
١- بارزانى نەمر فێر كرين مەغرور نەبين و ناڤێن بريقدار وخو فەرز نەكەين خو ژ كەسى مەزنتر نەكين ، بەلكى ھەموو دەما خو ژ مللەتێ كێمترببينن
بەلكو دەيفرموو : من بە ئێوەم گوتووە ھەرچى لە ھەمووان پچوكترە من خزمەتى دەكەم ، من رەئيسى كەس نيم رەئاسەتى كەسيشم ناوێ ، بەلام ئەموێ براى ئێوەبم خزمەتى ئێوە بكەم ئێوەش براى من بن و كۆمەكى من بكەن .
٢-قوتابخانا بارزانيێ نەمر ئەم فێرى كرين نە خيانەتێ ب كەين و نە خيانەت ژى ل بيرا مە بچت
٣- بارزانيێ نەمر فێر كرين راستگؤبين و راستى خوش مە بڤێت .
٤- بارزانى نەمر فێرى كرين ئەم ھەموو ل ناڤ جڤاكى ھاريكاريا ئێكوو دوو بكەين .
تُتاح هذه الصورة أيضا في: کوردی
