سەرکەفتنا قوتابخانان بوویە بەھرا پەنابەر و ئاواران
ئلیاس نعمۆ خەتاری
ل دەستپێکێ پیرۆزبایا ھەموو قوتابیان دکەم، ئەوێن ب ھەر پلەیەکێ بن دەرچۆین، ھەر دیسان داخوازا چەنسەکێ دی بۆ وان قوتابیێێن ڤەمایێن و دەرنەچۆین دکەم. ھەلبەت ئاستێ قوتابیان چو جاڕان نابتە ئێک و ژیک جودانە، قوتابیێ گەلەک خۆ ماندی بکەت و ھزر وبیرێن خۆ لسەر کارێ خۆ دانێت، وەک قوتابی باش ئەرکێ خۆ بزانت دێ ئانجامێن باش بدەستڤە ئینت.
ژ ئالیێ دیڤە تەعب و زەحمەتا مالا خۆ و دایک و بابێن خۆ و خۆشک و برایێن خۆ ژبیر نەکەت، دێ ھەڕدەم سەرکەڤت، شیرەت و ڕاسپاردێن مامۆستاێان ئەوێن ژبۆ بەرژوەندیا قوتابی و سەرکەفتنا وی ھزار جاری دئێنە دوو پات کرن، ھەردەم ل بیرا خۆ بینت ھەلبەت ژخۆ ناچن.
ھەڕ دەم ئەڤ قوتابیێ ھەنێ خەمخۆریێ ل کارێ خۆ بخۆت و داکوکیێ لسەر ئەرکێ خۆ بکەت، ھەلبەت لدووماھیکێ ئەڤ كەد و خەبات و ماندوبوون بەر تەلەف ناچت، چونکی ب دروستایی قوتابی بەرێ خۆ دایە کارێ خۆیە و ژ دل بێگرتیە، بەرۆڤاژی ئەو قوتابیێ نەبیگربت و نە خەمخۆربت و ب شێوەکێ ڕاست و درۆست و باش کارێ خۆ نەکەت، ۆەک قوتابی ھەلبەت دێ دووماھیکێ پەشیمانبت و دەلیڤا سەرکەفتنێ دێ ژدەست دەت .
سەرکەفتنا قوتابخانان بویە پەھرا پەنابەر و ئاواران پۆچی و ژبەر چی؟ دەمێ ئەم بەریێ ددەینێ گەلەک جاران دێ بینین بتریا قوتابیێن سەرکەفتی و ئەوێن پلەیێن بەرز و بلند بدەستڤە دئینن، ژ بنە مالێن ھەژار و بەلنگازن، یانژی قوتابخانێت نمونەی گەلک جاران قوتابیێن سەرکەفتی نابنە بەھرا وان..
ئەرێ ل ھێرە ئەڤە دبتە خەمساریا دایک و بابان و دەلالکرنا وان بۆ زارۆکێن وان یانژی گەلەک بەرێ خۆ نادەنێ و پوتا خۆ پێ ناکەن . سلاڤ و رێز بۆ ھەموو مامۆستا و کارگێریێن قوتابخانان و کەرتێن پەروەردێ، سلاڤ و رێز بۆ ھەموو دایک وبابا، سلاڤ ورێز بۆ ھەموو خەلکێن ئاوارە و پەنابەر و گەڵێ مە یێ خۆشتڤی، دئەست خۆشیێ وپیرۆزیێ ل ھەموو قوتابیان دکەین .
تُتاح هذه الصورة أيضا في: کوردی
