چاوا كەسایەتیا زارۆكی تێك دشكێت
عزەت برۆ
دەمێ زارۆك دئێتە سەر دنیایێ بوونەوەرەكێ سادەیە شیانێن هزركرنێ و ئاخفتنێ و دەربرینا هەست و سۆزا نینە دڤێت ژئالیێ خێزانێ ڤە چاڤدێریا وی بێتە كرن ژبۆ دابینكرنا پێتڤیێن وی یێن رۆژانە، و هەروەسا پەروەردەكرنا زارۆكان ژی ئێك ژ كارێ هەرە گرنگێ دایك و بابایە،زانایێن دەروونی دووپات دكن كو مرۆڤ ل قۆناغا زارۆكانیێ هەست ب هەموو بوویەرێن دەوروبەرێ خۆ دكت و لڤێ قۆناغێ هەستێ باوەریێ و ژ دەست دانا باوەریێ ل نك زارۆكی پەیدادبت ئەو ژی ب رێیا گرنگیدان و جێبەجێكرنا پێتڤیاتێن زارۆكی ژ ئالیێ دایك وباباڤە، لەوما یا گرنگە ئەم زارۆكی لسەر پرەنسیپیًَن پەروەردەیی پەروەردە بكەین داكو هەست ب باوەری و ئارامیێ بكت و ب ساخلەمیەكا باش گەشە بكت، هندەك بیردۆزێن دەروونی دیاركرینە قۆناغا زارۆكانیێ بنەمایێ ئاڤاكرنا كەسایەتیا مرۆڤە، ئەگەر هاتوو مرۆڤ ل ڤێ قۆناغێ فێری رەوشت و رەفتارێن باش بوو هەروەسا ڤیانا خێزان و كەسێن دەوروبەرێن خۆ بدەستخۆڤەئینا، ئەگەر مەزن بوو دێ بتە خودان كەسایەتیەكا بهێز و باوەری بخۆبوون و هەروەسان دێ رێزێ ل داب و نەریتێن جڤاكی گرت،ژبەر ڤێ چەندێ یا فەرە ئەم یێ هشیاربین د پەروەردەكرنا زارۆكان دا.
چەندین ئەگەر هەنە كو زارۆك هەست ب كێماسیێ بكت دەمێ ئەم وان رەفتاران بەرامبەری وان دكەین ئەو ژی:ئاخفتنێن نەشرین و كرێت دبێژنە زارۆكی هەروەسا ل دەمێ سفكاتیێ ب زارۆكی دكن ب رێیا وەسفكرنا وی ب كەسەكی گێژ یان دین ب تایبەتی لناڤ زارۆكێن هەڤالیێن وی، دیسان ئێك ژ وان ئەگەران دەمێ بەراوردكرنا زارۆكی دگەك كەسەكی دن ژبەركو هەركەسەكی هێز و شیانێن خۆ هەنە ئەڤ چەندە دبتە ئەگەر كو زارۆك باوەری بخۆ نەمینت، هەروەسان دەمێ زارۆك شاشیەكێ‌َ دكت نابت بێتە ئەشكەنجەدان بەلكو دڤێت یا دروست بۆ بێتە گۆتن ئەشكەنجەدان دێ وەسان ل زارۆكی كت راستیێ ڤەشێرت داكو نەئێتە ئیشاندن،هەروەسا ل دەمێ ئەم دبنە رێگر لبەر تێركرنا حەزێن زارۆكی یان دابین نەكرنا پێتڤیێن وی، هەروەسا ل دەمێ دەرەوێ ل زارۆكی دكن و دەرفەتا ئاخفتنێ بۆ نەهێلن و پشت گۆه پاڤێژن.
تُتاح هذه الصورة أيضا في: کوردی
