چاوانیا بنبركرنا توندوتیژیا خێزانی
ئیڤان رەمەزان عەلی خالتی
گەلەك جاران پشكداری د سمینارێن لسەر مافێ ژنێ و توندوتیژیا خێزانی دا كریە ئەوێن رێكخراوێن جڤاكی شارستانی پێ رابووین و تێدا من گۆهـ لێ بوویە و گەلەك گۆتار ژی یێن خووندین كو ئەگەرێ توندوتیژیا خێزانی د ئێخنە سەرملێن رەگەزێ (نێر) بێ كو دووڤچۆنەك كربن یان ئامار، ئارمانجا وان یا سەرەكی پێتڤیە چارەسەركرنا ئاریشان بن و پلان د خزمەتا خێزانێ دا بن ب شێوەیەكێ گشتی.
ئەڤجا فەرە رێكخراوێن جڤاكێ شارستانی( مافێ مرۆڤا و تایبەت ژنێ) وەختێ ۆرك شۆپەكێ پێشكێش دكن هەڤسەنگیێ پەیدا بكن دناڤبەرا هەردوو رەگەزان(نێر و مێ)دا ل دەمێ بابەتی شرۆڤە دكن داكو كینێ نەچینن دناڤبەرا رەگەزان دا، داكو هەر رەگەزەك ب چاڤەكێ كێماسی و ب دلەكێ خراب تەماشەی ئێك نەكەن و نەبتنێ تشتێن نەرێنی بینە بەرچاڤ لسەر رەگەزەكی و بێژن، دڤێتن وەكو شیرەت و نموونێن ئەرێنی بۆ هەردوو رەگەزا بینن بەرچاڤ داكو لێبوردەیی دناڤبەرا وان دا پەیدابت، و ئاریشێن بچوك مەزن نەبن داكو ب دلەكێ پاقژ هەڤژین و خێزان دگەل ئێك بژین،زێدەباری وێ چەندێ رۆلێ ژنێ د توندوتیژیا خێزانی دا، ژبەركو گۆتنەكا كوردی دبێژت لدەما دایك و ژنا مالێ دبتە ژنباب باب ژی دبتە زرباب ژبەركو گەلەك جاران زارۆك دبنە قوربانی ژبەركو قوتابخانا خۆ یا ژ دەست داین، و زارۆك ل تەمەنێ خۆ یێ بچوك دا ژ نەچاری و ژبێ كەسی زێدەتر ژ شیانێن خۆ كاردكت و تووشی گەلەك ئاریشان دبن، كچ ژی ژبەر نەبوونا پشتەڤانان و پووتە پێ نەكرنێ قوتابخانه ژ دەستداینە و ب زۆری و بێ دلی ل تەمەنێ زارۆكینێ و سنێلەیێ دا هاتینە شوكرن یان شوكرینە داكو لبن زولما ژنبابێ دەركەڤن و رزگارببن وەكو نموونێن من ئیناین ژنباب زولمێ ل زارۆكان كریە.
ئەرێ ڤەكۆلەرێن جڤاكی ئەڤ نموونە كرینە خاڵ و تۆماركرینە و كرینە تێبینی، یان هەردەم وەكو من ئاماژە پێ دای ئەگەرێ ئاریشا د ئێخنە سەرملێن رەگەزێ (نێر)،ژبەركو بارا بتر رەگەزێ نێر ژ دەرڤەی مالێ یە، ل داویێ بۆ زانین ئەز ل دژی مافێ ژنێ نینم و من گەلەك بابەت نڤیساینە لسەر مافێ ژنێ و توندوتیژیا بەرامبەری وێ و خێزانێ دئێتەكرن،ل دژی توندوتیژیا خێزانی مە ب چ شێوە بت.
تُتاح هذه الصورة أيضا في: کوردی
