ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مللەت عسمەت:رەخنا هەرەمەكی و دروستكرنا كاراكتەرێن وەهمی

رەخنا هەرەمەكی و دروستكرنا كاراكتەرێن وەهمی
مللەت عسمەت
هەر تشتەكی پیڤەر و هەلسەنگاندنێن زانستی و مەنتقی بۆ نەبن دێ‌ بتە بەرەلایی، بەرەلایی دبتە ئەگەرێ‌ تێكدان، ئاژاوە، تەشویش، توندو تیژی زۆر جاران پێچەوانەی شیرازا جڤاكی و دەرئەنجامێن گەلەك خراب هەنە.
ئەگەر هەلسەنگاندنا هەر چەمكەكێ‌، بهایەكی، رەفتار، گۆتن و كریارەكێ‌ بكەین پێتڤیە ل سەر هندەك پیڤەران بت،مرۆڤ ب نموونا فێردبت، مرۆڤ ب سەربۆر و راهێنان فێر دبت، مرۆڤ ژئێك و دوو فێر دبت و گەلەك رێیێن دی یێن فێربوونێ‌ هەنە،ئەگەر ئەم دیمۆكراسیەتێ‌ وەك نموونە وەرگرین ل دەستپێكێ‌ بۆ هەلسەنگاندنا دیمۆكراسیەتێ‌ پێتڤیە پیڤەرەكی دانین مە بەحسێ‌ كیژ دیمۆكراسیەتێ‌ یە یا مال یا خێزانێ‌ یان یا دەستهەلاتێ‌ و حكومرانیێ‌ یان هەر بیاڤەكێ‌ دی،دیمۆكراسیەت ل سەر ئاستێ‌ دەستهەلاتێ‌ دكارین سێ‌ پیڤەران بۆ هەلسەنگاندنێ‌ ب دانێت،ئێك:دەستهەلاتەك هەبت باوەری ب وەرگرتنا دەستهەلاتێ‌ و رادەستكرنا دەستهەلاتێ‌ هەبت دپرۆسەكا دیمۆكراسی دا،دوو:ئۆپۆزسیۆنەك یا كارا و نشتیمانی بت، سێ‌:میدیایەكا ئازاد و سەربەخۆ بت، ل ڤێرێ‌ ئەڤە پرسیارەكە هەر هاولاتیەك دكارت ل وەلاتێ‌ خۆ یان پارێزگەها خۆ و جیێ‌ لێ‌ دژیت بەرێخۆبدەتێ‌ و ڤێ‌ هەلسەنگاندنێ‌ بكت،دوو مەبتنێ‌ سیستەمێ‌ سیاسی هەیە؟ بێگۆمان نەخێر ئەرێ‌ سیستەمێ‌ سیاسی دێ‌ چەوا سیستەمێ‌ دەستهەلاتا جڤاكی؟ سیستەمێ‌ دەستهەلاتا دینی دگونجت؟ ،ب هەلشكەفتنا ڤان پرسیاران دێ‌ مرۆڤ زانت رۆژانە چەند رەخنەیێن بێ‌ بنەما و هەرەمەكی و بێ‌ داتا و زانیاری و دووری بها و ئێتیك و ئەتەكێت دئێنەكرن،كو دناڤەرۆك و راستیا خۆ دا نە رەخنەنە، نە ئازادی نە، نە بهانە و نە قیەم و نەشۆلێ‌ گەلەك ژ وان كەسانە،ب هەر حالێ‌ هەیی ژلایێ‌ خۆڤە نە ئەم ژ رەخنێ‌ دترسین، و نە ژی ب رەخنێ‌ دهەرفین و نە لسەر رەخنێ‌ كەسێ‌ پاشڤەدبەین،بەلێ‌ ب مەرجێ‌ رەخنەبت نە ناڤزراندن و تەشهیر و كەرب وكین و نەبابەتیبوون.
ب مخابنی ڤە ب تشتێ‌ سەرڤە وەكی سەرتیكێ‌ سەر ب ماستەكێ‌ بوسیڤە،كاراكتەرین وەهمی یێن چێ‌ دبن، كاراكتەرێن وەهمی نكارن وەلاتان ئاڤاكەن ب گۆتنا بتنێ‌ ژی ژبلی كو دەروون برینداردبن و مرۆڤ درەڤن چ تشتێ‌ دی پێ‌ بەرهەم نائێت، مە كریار دڤێن و دكریارا دا مرۆڤێن شۆلی دڤێن نە گۆتن بتنێ‌ و نە بتنێ‌ ئەندازیار دكارن ئاڤاهیا ئاڤا دكن،بەلكی كرێكار و كەهرەبائی و هۆستا و هەر كەسێ‌ پێتڤی دڤێت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi