ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حەیدەر عەرەبۆ یوسڤانی:جیێن ناڤدار ل چیایێ‌ شنگالێ‌ (كەڤرێ‌ كەتی)

جیێن ناڤدار ل چیایێ‌ شنگالێ‌ (كەڤرێ‌ كەتی)
حەیدەر عەرەبۆ یوسڤانی
چیایێ‌ شنگالێ‌ ئێكە ژ وان چیایێن كوردستانێ‌ گەلەك جی و ئاقد و نیشانگەهـ و شكەفت و كەڤر یێن ب ناڤ و دەنگ لێ‌ هەینە ،وەكو سەمبۆلان دئێنە بەرچاڤكرن ب واتایەكا كەلتۆری و كەلەپۆری دناڤ ژانرین فلكلۆری د چیایێ‌ شنگالێ‌ دا، هەر ئێك ژ وان چیرۆك ، و سەرهاتی ، گۆتنەكا دوور و درێژ لسەر هەیە ، باب بەرە باب هاتینە ڤەگوهاستن و بووینە چەقەك ژ دیرۆكا دەڤەرێ‌.
ئێك ژ وان جیان یێ‌ ب ناڤ و دەنگ ل سەرانسەری چیایێ‌ شنگالێ‌ و سەرهاتیەكا خەمگین لسەر هەیە ئەو ژی سەرهاتیا (كەڤرێ‌ كەتی) یـە،كەڤرێ‌ كەتی دكەفتە دەرێ‌ گەلیێ‌ كەرسێ‌ ل باكوورێ‌ چیایێ‌ شنگالێ‌ ب رەخ رێیا گشتی یا بەرەف گوندێ‌ مامیسێ‌ و كەرسێ‌ و كۆلكا ڤە دچێ‌،كەلو چما دبێژن:كەڤرێ‌ كەتی ؟!ل چەرخێن بۆری دا ئاڤا گەلیێ‌ كەرسێ‌ یا بۆش و زۆر بوو و دهوڕتە هەتا ب دەشتا دەرێ‌ گەلی و سنوونێ‌ ، ل وی سەردەمی گوندێ‌ شامیكا یی ئاڤابوون و خەلكێ‌ تێدا ژیان دكر، ئەڤ گوند دكەفتە دەرێ‌ گەلی ژناڤ دا،وەكو هاتیە گۆتن ل سەردەمێن بەرێ‌ دا خەلكێ‌ گوندان دچۆنە سەر ئاڤ و دڵاڤا و كانی و رۆبار بۆ مەرەمێن شۆشتنا جل و بەرگێن خۆ،ل رۆژەك ژ رۆژێن وەرزێ‌ بەهارێ‌ دا ل دانێ‌ سبەهێ‌، وەكو هەر رۆژ هندەك زەری و خاتون ژ خەلكێ‌ گوندی كار و بارێن خۆ كرن و جل و بەرگێن خۆ هلگرتن و دئێنە سەر چەمێ‌ ئاڤێ‌ یێ‌ ب رەخ گوندی ڤە،دبێژن ژمارا وان هەفت بوون،و جیێن خۆ ئامادەكرن و دەست ب شووشتنا جل و بەرگێن خۆ كرن و دەست ب سوحبەت و ئاخفتنێ‌َ كرن ب كەنی و حەنەك دەمێ‌ خۆ بۆراندن، نەدزانین فەلەكا خاین عەمرێ‌ وان دێ‌ ل وان كەتە رۆژا داویێ‌ و بەرەف چۆنەكا بێ‌ ڤەگەر ببە،ژ نشكەكێ‌ ڤە كەڤرەكێ‌ مەزن ( وەك د وێنەی دا دیار) ژ زنارا بەرامبەر گوندی دە دبێژنێ‌ (زنارا شامیكا) دكەفتە بەستێ‌ و ب سەر وان دا هەرفت و دكەفنە بن كەڤری دا و ژیانا خۆ د سپاردنە خودێ‌ مەزن ، وەكو تێ‌ گۆتن هەتا نهۆ هەستیكێ‌ وان هەر هەفت كچا دبن وی كەڤری دە ماینە و چەند جارەكا پێكۆل كرینە هەستیكێن وان دەرێخن لێ‌ بێ‌ مفا بوو، لەوران دبێژن كەڤرێ‌ كەتی،ئەڤ كەڤر ژبەر هندێ‌ ناڤێ‌ وی چۆ د ستران و لاوكان دە ل دەڤەرا شنگالێ‌ و بوویە وەكو بوویەر و سەرهاتی دناڤ مێژوو و ژانڕێن فلكلۆرێ‌ چیایێ‌ شنگالێ‌ دا.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi