سەرەدەریكرن دگەل سنێلەیی
عزەت برۆ
قۆناغا سنێلەیێ دئێتە هژمارتن ژ ئالۆزترین قۆناغێ ژیانا مرۆڤی لڤێ قۆناغێ دا چەندین گهۆرین پەیدادبن ژلایێ لەشی و دەروونی ڤە و ئەڤ چەندە كارتێكرنێ لسەر رەوشتێ وی دكت ژبەر گهۆرینا ژ ئەنجامێ رژینا هۆرمۆنا،لەوما سنێلە دبتە مرۆڤەكێ هەستیار پێتڤی سەرەدەریەكا تایبەتە،ئەڤجا ژبۆی پێشكێشكرنا پەروەردەكا گونجای پێتڤیە كار بێتە كرن لسەر ڤان خالێن ل خوارێ:باوەری بخۆبوون و رێیا ناسینا وان ب كەساتیا وان و قەبوولكرنا وان بۆ ساخلەتێن وان و فێركرنا شێوازێ ئاخفتنێ و گوهداریكرنێ و رەخنێ،هەروەسا دیاركرنا شیان و حەز و ئارەزوویێن وان و گەشەكرنا هزرێن باش و پەیداكرنا باوەریێ دناڤبەرا وان و دەوروبەرا دا،دیسان گرنگە كار بێتە كرن ژبۆی هەڤسەنگیێ دناڤبەرا حەز و ئەركا و گەشەكرنا تێگەهێ هاریكاریێ لبا وان ،هەروەسا پێدانا پێزانینێ زانستی لسەر وان گهۆرینێ د قۆناغا سنێلەیێ دا چێدبن،هەبوونا نموونەكی باش بۆ سنێلەیی چ لناڤ خێزانێ یان قوتابخانێ یان جڤاكی دا،چنكو سنێلە پێتڤی هاریكاریا كەسێن دی یە،دیسان ئارەستەكرنا سنێلەیی بۆ هەڤركیێ و كارێ باش دوور ژ توندوتیژیێ،هەروەسا یا فەرە پێدانا رەوشەنبیریەكا جنسی یا زانستی بۆ سنێلەیی داكو دوور بت ژ كارێ خراب، نابت ئاخڤتنێ كرێت و بێزاركەر بەرامبەر سنێلەیی بێنە كرن چنكو خودان كەساتیەكا هەستیارە دێ هەست ب شكەستن و بێ هیڤیبوونێ كت،هەروەسا خۆ دوور كن ژ بەراوردكرنا سنێلەیی دگەل هەڤالێن وی باشترە هەردەم پێزانینێ ئەرێنی بدەنێ و هەڤكاریێ دگەل بكن بۆ ئاڤاكرنا كەسایەتیا وی،نابت ئەم ژبیر بكن قۆناغێن گەشەكرنا مرۆڤی پێكڤە گرێداینە هەر كێماسیەك دقۆناغەكێ دا هەبت دێ كارتێكرنەكا خراب ل قۆناغا دی كت لەوما یا گرنگە خێزان رۆلێ خۆ ببینت چاڤدێریا زارۆكێ خۆ بكت و رێیێن دیموكراسی بكاربینت ژبۆی پەروەردەكرنا زارۆكێ دوور ژ توندوتیژیێ و ئێشان و ئاخفتنێن نەشرین،هەروەسا رۆلێ قوتابخانێ گەلەكی گرنگە ژبۆی پەروەردەكرنا سنێلەیی و تایبەتی مامۆستا ب رێیێن خۆ یێن پەروەردەیی هاریكاریا وان بكت داكو ببن خودان رەوشتەكێ باش و بەرهەمدار ل قوتابخانێ ودناڤ جڤاكی دا،دیسان راگەهاندنێ رۆلەكێ كاریگەر هەیە بۆ ئارەستەكرنا سنێلەیی ب رێیا پرۆگرامێن پەروەردەیی و دەروونی و جڤاكی.
تُتاح هذه الصورة أيضا في: کوردی