ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەردار داود:ئاوارێن ئێزدی درەوشەكا ب زەحمەت دا دژین

ئاوارێن ئێزدی درەوشەكا ب زەحمەت دا دژین
سەردار داود
چار سال دەربازبوون لسەر كۆمكوژیا ئێزدیێن شنگال ل(3/8/2014)ێ‌ ژلایێ‌ رێكخراوا تیرۆرستیا داعشێ‌ ڤە هاتیە سەر مللەتێ‌ ئێزدی،ئەو رۆژا ب هەزاران خەلكێ‌ مە هاتیە ئێخسیركرن و كوشتن و زێدەباری گرتنا ب هەزاران كچ و ژنێن ئێزدیان و كرین و فرۆتن پێ‌ هاتیە كرن ل وەلاتێن ئەرەبی،هەروەسا وێرانكرن و تالانكرنا دەڤەرا شنگال و ب تایبەت مالێن ئێزدیان و پەقاندنا ب دەهان مەزارگەهێن پیرۆزێن ئایینی ل وێ‌ دەڤەرێ‌،هەتا نهۆ خەلكێ‌ مە ئاوارەنە و د ژیان و رەوشەكا گەلەك بزەحمەت دا دبن خیڤەتان دا ل كەمپان دا دەرباز دكن و دژین و چ ماف بۆ وان نەهاتیە دان و دابینكرن ژلایێ‌ حكومەتا عێراقێ‌ ڤە.
سەرەرای ڤان هەموو نەخۆشیێن بسەرێ‌ ئێزدیان هاتین و دیتنا ب دەهان گۆڕێن بكۆم ل دەوروبەرێن شنگال چارسال دەربازبوون و هەتا ڤی دەمی ژی چ گرنگی و لێگەریان وەك پێتڤی پێ‌ نەهاتیە كرن ژئالیێ‌ بسپۆر و لێ‌ پرسان ڤە،ئەڤە چار سال دەربازبوون هێشتا ب هەزاران ژ خەلكێ‌ ئێزدی ئێخسیرن ل زیندانێن دەولەتا ئیسلامی یا ناسیار ب داعش كو درەندەترین تیرۆرستن ل جیهانێ‌ و چ لێپرسینێن وان نینن ژلایێ‌ رێكخراوێن نەتەوێن ئێكگرتێ‌ و رێكخراوێن مافێ‌ مرۆڤی ڤە،ئەوا ژبەر وان هەموو ئەگەرێن مە دیار كرین مللەتێ‌ ئێزدی دەست ژ ئاخ و وەلاتێ‌ خۆ یێ‌ بەرددەن و كۆچبەری وەلاتێن بیانی دبن ژبەركو ل وەلاتێن ئەرەبی دا ب هەزاران سالن فەرمان تێنە سەر مللەتێ‌ مە.
پشتی ڤێ‌ پێشكەفتنا ل دونیایێ‌ ل چەرخێ‌ بیست و ئێكێ‌ دا ل سالا (2014)ێ‌ دیسان ئەوان پێخواسێن بیابانا ئەو هزر و فكرێن گەمار نوو كرنەڤە و فەرمانەك ئانین سەر مللەتێ‌ ئێزدی ل شنگالێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi