دەیك گۆشتێ كورێ خۆ دخۆت
دلۆڤان ئەمجەد بارزانی
ئەو چیرۆكا راستە كەسی نەبهیستی جەرگ و دلا دحەلینت ژ زاردەڤێ ژنەكا كوردا ئێزدی كو ئەو ژی دناڤ ڤێ چیرۆكێ دا بوو هاتیە گۆتن،پشتی هاتنا چەكدارێن هۆڤێن داعش كەتنە گوندێ گرعزێر زەلام كوشتن و ژن و زارۆك ژی ب زۆری دگەل خۆ برن بۆ تللەعفەر و جارەكا دی ل تللەعفەر ڤەگوهاستن و برنە مووسل زۆر رەزیل و بێ چارەببوون د دەستێن وان هۆڤان دا خارن و ڤەخارن لێ هاتبوونە قەتحكرن و زارۆیێن وان ژێ هاتنە ستاندن و دوور ئێخستن پشتی دوو سێ رۆژا ل مووسل بوون.
پشتی ئەو ژنە زۆر زۆر برسی بووی چنكو ئەو دوو سێ رۆژ بوو بێ خوارن و ڤەخوارن راستی برسی بوون زۆر یا نەخۆشە،ئەو زۆر بێ سەروبەربوون داخواز ل وان هۆڤ و درنداكر خوارنێ بدەنێ،وان هۆڤا گۆتە وان سەبرێ بكێشن دێ بۆ وە نهۆ خوارنێ ئینین،دەمێ وان ئەو زارۆك ژێ ستاندی كوشتن و سەرژێكرن گۆشتێ جانێ بێ گونەهێ وان پارچە پارچە كرن بۆ دەیكێن وان سۆركرن بێی كو دەیكێن وان زارۆكان بزانن،راستی ئەڤ تاوانە مرۆڤی ب ساخی د سۆژت و دحەلینت،دەمێ گۆشتێ وان زارۆكان حازركری بۆ دەیكێن وان ئینان،ئەو ژنە ژی گەلەك دترسیان و دلەرزین ژبەر وان هۆڤان بێ سەروبەر و نەخۆش ببوون،خوارن ئینا بۆ وان گۆتێ بخۆن ئەوان ژی دوو سێ رۆژ زێدەتربوون خوارن نەخواری و چوو نەمابوو ژ برسان دا بمرن،ئەو دەمێ وان ئەو گۆشتێ سۆركری یێ زارۆكێن وان بۆ ئینای وان ژی تێرخوار بێی كو بزانن ئەو گۆشتێ زارۆكێن وانە،نینە و من نە بهیستیە تاوان ژڤێ تاوانێ مەزنتر بن.
پشتی خوارنێ وان دەیكا داخواز ژ زارۆكێن خۆ كرن وان دڤیا زارۆكێن وان ژی خوارنێ بخۆن،ئەو دەیكن هزر و بیرێن وان هەر یێل سەر زارۆكێن وان جگەرا وان وژدانا وان رێ نادەتێ زارۆكێن وان دحالەكی نەخۆش دابن،پشتی داخوازا زارۆكێن خۆ كری چەكدارێن بێ دین و ئیمانێن داعشێ،گۆتە وان ژنا ئەو گۆشتێ وە خواری گۆشتێ زارۆكێن وە بوون،هەرچەندە هەموو تشت و تاوانێن خراپ ل ڤان چاڤەرێ كرینە بەس وان دەیكا نكارین باوەر بڤێ تاوانێ بكن چنكو ئەڤ تاوانا مەزن ب مێشكێ چ بونەوەرا دا نەهاتبوو،لێ وان هۆڤان چكر بوو ل وی دەمێ وان ئەو زارۆك كوشتین و سەرژێكری و گۆشتێ جانێ وان پارچە پارچە كری و سۆركری ڤیدیۆ كربوو داكو دەیكێن وان زێدەتر باوەر بكن و جەرگ و دلێ وان ب درستاهی بسۆژت و نیشا وان دەیكا دا،ئەگەر ڤان ژنا ڤان دەیكێن جگەر سۆتی زانیبا ئەو گۆشتێ زارۆكێن وانە ژ برسان دا مربان وان نە دخوار.
ڤێ چیرۆكا راست و تاوانا چ جاران و سەردەمان نەهاتیەكرن و بسەرێ كوردێن مە یێن ئێزدی دا هاتیە كرن رۆندك ژ چاڤێن من ئینانە خار و ئەز گریاندم و ئەز باوەر ناكەم هەر كەسێ ڤێ چیرۆكا راست بخوونت ینێیت بكارت خۆ رابگرت و تێك نەچت ئەگەر پچەك هەستێ مرۆڤایەتیێ و وژدان هەبت.
تُتاح هذه الصورة أيضا في: کوردی