بتنێ سەربەخۆبوونا كوردستانێ دكارت دەرگەهێ دانوستاندنێ لسەر كەیسا ئێزدیان ڤەكت
بیرهات هارون رەشید
هەر وەكو یە دیار هەر ژدەستپێكا هاتنا داعش بۆ ناڤ عێراقێ وكێشە وئالۆزیێن ئەرەبان دگەل مە كوردان هەموو بوونە ئەگەر كو داعش مللەتێ مە جینۆساید بكت،ئەو بوو ل رۆژەكا رەشا وەكی(2014/8/3) ترسناكترین رێكخراوا تیرۆرستیا بناڤێ داعش هێرشی مللەتەكی هەژارێ وەكو ئێزدیان كر ودئەنجام دا ژمارەكا زۆرا خەلكێ كوشتن و برینداركرن بێ سەرووشوونكرن و ب ساخی بن ئاخكرن مال ومولك وسامانێ وان هەموو تالانكرن وخەلك ب زۆری تەعریب كرن بناڤێ ئیسلامێ ورەشترین بەرپەرێ دیرۆكێ بۆ مە ئێزدیان ل كتابا كارەسات وروودانێن جیهانێ دا.
هەر ژوێ رۆژێ وەرە حكوومەتا هەرێما كوردستانێ وپێشمەرگین قارەمان وجەنابێ سەرۆك بارزانی خۆ لمەكر خودان،ئەم هاتین قڕكرن ژبەركو هەلگرێن ناسناما كوردی بووین لێ هەزار جار مخابن نە حكوومەتا عێراقێ ونەبەرپرسەكی عێراقی چ لێدوان لسەر ڤێ كەیسێ نەبوون وئامادە ژی نەبوون بێنە خزمەتا مە هەر وەكو ئەو دبێژن شنگال باژێرەكی عێراقی یە لێ مخابن،هەر بڤێ یەكێ حكوومەتا عێراقێ نەڤێتە خۆ بكەتە ئەندام د دادگەها لاهایی یانێڤ دەولەتی دا بتنێ دا دانوستاندنێ لسەر كەیسا ئێزدیان نەكن ب سوجا هندێ ژبەركو ئێزدی رەسەنترین ئایینێ كوردە،هەر چاوابت پەیاما مە ئێزدیان ب رێیا سەرۆك بارزانی و حكوومەتا هەرێما كوردستانێ و ریكخراوێن مافێ مرۆڤی وچەندین نڤیسەرو مێژوونڤیس وڤەكۆلەر وهۆنەرمەند و سترانبێژ و نیگاركێش وچالاكڤانێن مە گەهشتیە جیهانێ ودەنگ ڤەدایە وهەتا نهۆ ژی بەردەوامە و وێ بەردەوام بكە،دیسان رێ نائێتە دان كو لسەر كۆمكوژیا مە ئێزدیان باخڤن چنكو عێراقێ نەڤێتە خۆ بكەتە ئەندام د دادگەها لاهای دا،لێ ئەز ب داهاتوویا گەلێ كورد ومللەتێ خو یێ ئێزدی گەشبینم،چنكو هەردەم دوێ باوەرێ دام دێ رۆژەكێ بارودوخێ هەرێما كوردستانێ خۆش وئارام بت وهەموو تەخ وچین وپێكهاتە وێ تێدا ژیانەكا خۆش وئارام وسەرفەراز بۆرینن ب تایبەتی ژبۆ مە ئێزدیان.
مللەتەكی وەكی كوردان خودان پرانیا بەرپەرێن دیرۆكیێن رەشن گەر رۆژەك هات وب مافێن خۆ یێن رەوا شادبوون ئەو دكارن داخوازا ئەندامبوونێ د دادگەها لاهایی دابكن وپرانیا جیێن دەستهەلاتدارێن جیهانێ وسەربەخۆبوون ودەولەتا كوردستانێ باشترین كلیلا نێڤ دەولەتی یە،كو دەرگەهێ دانوستاندنێ لسەر كۆمكوژیا مە ئێزدیان ڤەكن ل جیهانێ وئەڤەژی باشترین دەرفەتە،لەورا مەرەما من ئەوبوو ئەز بێژم بتنێ سەربەخۆبوون ودامەزراندنا دەولەتا كوردستانێ دكارن مە ئێزدیان ب جینۆساید ناس بكت لڤێ دنیایێ وژیانا مە ئێزدیان ژی دێ هەر ل كوردستانێ بە و لالشا ل كوردستانێ یە و ئەم دێ ب مافێن رەوایێن خۆشادبین و بمینت كوردستانەكا خۆش و ئارام و سەرفەراز.
تُتاح هذه الصورة أيضا في: کوردی
