بێ هیڤیبوون چی یە ؟
غەزوان غازی
بێ هیڤیبوون ئێك ژ مەزنترین كێشەیێن تاكێ كۆمەلگەهێ یە تووش دبتێ ژبەركو تاك هزردكت چ ئارمانجێن وی بجهنائێن،ئەڤ یەكە دبتە ئەگەر تاك هەست ب خۆشیا ژیانێ نەكت ،ژ ئەگەرێن مرۆڤ بێ ئۆمێد دبت مینا سەرنەكەفتن د خووندنێ دا یان د پرۆسێسا هەڤژینیێ دا یان هەر بیاڤەكێ دیتر یێ ژیانێ دا… هتد ، ئەڤ ئەگەرنە وەسان ل مرۆڤی دكت كو ژیانێ ئێدی چ تام تێدا نەمایە بەلێ د راستی دا ئەڤ هزركرنە شاشیە،ژبەركو ژیان ژ خۆشی و نەخۆشیا پێك دئێت فەرە تاك ژی بەردەوام هەول بدەت لسەر ئاستەنگ و نەخۆشیا زال ببت.
هەروەسا بێ هیڤیبوونا دەمكی ژی هەیە ئەڤەژی نۆرمالە رووبدەت د ژیانێ دا ژبەركو دەما مرۆڤ تووشی نەخۆشیێ دبت مرۆڤ تووشی بێ ئۆمێدیێ دبت ب بۆرینا دەمەكی هێدی هێدی چارەسەر دبت ئەڤەژی تشتەك سرووشتیە ، لێ ئەگەر درێژ بوو دبتە نەخۆشیا دەمدرێژ بت دڤی واری دا دڤێت چارەسەریێ وەربگرت و كاودانێ ب نۆرمال قەبوول بكت،ژبەركو قەبولنەكرنا بارودۆخی دێ تووشی بێ هیڤیبوونەكا مەزنتر بت و كاودان هەردێ روودەن ژبەركو ژیان ب ڤی رەنگی هاتیە دروستكرن،باوەری بخۆ نەبوون جۆرەكێ دی یێ بێ هیڤیبوونێ یە دكۆمەلگەهێ دا و ئەڤ كارتێكرنێ لسەر پتریا بیاڤێن ژیانێ یێن تاكی دكت و بەردەوام ئەو هزر خۆ لسەرێ تاكی ددەن یێن كارتێكرنا نەباش یا دەروونی لێ بكت و ئەڤ دبتە ئەگەرێ غەمگینی و خەمۆكیەكا دژوار و رەنگە بگەهشتە جۆرێ خۆكوشتنێ.
ب بۆچونا من ئەگەر مرۆڤ د كارەكی دا سەرنەكەفت بلا یێ رەشبین نەبت ،ژبەركو چوونەبت مفایەك هەریێ دوێ سەرنەكەفتنێ دا یێ هەی، سیاسەتمەدار (مارتن لوسەر كینگ) دبێژت (ئەگەر مرۆڤ نكارت بفرت بلا بكەتە غار ،و ئەگەر نكارت بكەتە غار بلا ب رێڤەبچت ، هەكە نكارت ب رێڤەبچت بلا لسەر زگی هەرە )،رامان ئەوە شیان و ئارەزۆیێن مە دگەل دەمی دئێتە گهۆرین پێتڤیە نە سەكنین.
تُتاح هذه الصورة أيضا في: کوردی
