ئەم بەرهەمێ 74 فەرماناینە دێ بەرەڤانیێ ژئاخ و هەبوونا خۆ كن
شاما شنگالی
دەردەسەریا ئێزدیان وەكی چیرۆكا (هەزار و ئێك شەڤێ )لێ هاتیە چنكو ژ كەڤندا داخوازا دوژمنێن مرۆڤاتیێ نەمانا ناڤێ ئێزدیانە،هەروەسا ل فەرمانا(74) ژی دوژمن ئانكو دەولەتا ئیسلامی یا بناڤێ داعش بۆ خۆ كرە ئارمانج ناڤێ ئێزدیان ب ئێك جاری نەهێلن و مال و ئەردێن ئێزدیان ژی بۆ خۆ تالانكرن.
ئەڤ چەندە ژی پشتی بۆرینا(3)سالان پشتی فەرمانێ ب چەندین هەزار كەس بووینە قوربانێ ڤێ كۆمكوژیێ هەر بگرە ژ گرتنا كچ و ژنا و زارۆكان و و ژمارەكا زۆر ژ ئێختیم و سێویان ب پشت خۆ ڤە هێلان،زێدەباری ژمارەكا زۆر ژبێ سەرووشین و هندابوویان و نە رزگاربوونا پتر ژ سی َهەزار كەسان هەتا دەمێ نهۆ، زێدەباری دیار بوونا پتر ژ (40) گۆرێن بكۆم ل دەڤەرا شنگال و كو تەڤاهیا وان كوشتیان دڤان گۆران دا ئێزدی بووینە بێی كو وەك پێتڤی گرنگی ب ڤان گۆرێن بكۆم بێتە دان و بێنە پشكنین و كۆلان داكو ببنە بەلگە ژبۆ جینۆسایدا ئێزدیان ل شنگالێ .هەردیسان ئەڤ كۆمكوژیا ئێزدیان زۆر جێوازترە ژیا تەڤاهیا مللەتێن دن چنكو نەبتنێ كوشتن بوویە بەهرا ئێزدیان بەلكی یا ژكوشتنێ ب زەحمەتر ب سەرێ ئێزدیان دهات،لەوما گەلەك مرۆڤان دڤیان بێنە كوشتن و ئەوان رەفتاران ب چاڤێ خۆ نەبینن ،بەلكو درندەیا وان دگەل ئێخسیری و زارۆك و ژنێن ئێزدیان زۆر یە جێواز بوو د دیرۆكا هەڤچەرخ دا ،هەردیسان یا ب زەحمەت فرۆشتنا كچ و ژن و زارۆكێن ئێزدیان زەحمەترین كریارا نە مرۆڤانەیا درندەیێن داعش بوویە بەرامبەر تاكێ ئێزدی ئەڤ چەندە شەرمەكا مەزنە ژبۆ وان كەسێن ب ناڤێ مرۆڤایەتیێ بەحس دكن ل سەرانسەری جیهانێ.
ئەڤجا دخوازم بدەم دیاركرن كو هیچ گرۆپ و هێزەك توندرەو نكارە مللەتەكی ب ڤی شێوازی ژناڤ ببەت و ئەم بەرهەمێ 74 فەرمانانە دێ بەرەڤانیێ ژئاخ و هەبوونا خۆ كن لسەر ئاخا خۆ.
تُتاح هذه الصورة أيضا في: کوردی