ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كچەكا رزگاربووی:تیرۆرستێن داعش گەلەك نەخۆشی و مەرگەسات ب سەرێ‌ كچ و ژنێن ئێزدیان دا ئیناینە

كچەكا رزگاربووی:تیرۆرستێن داعش گەلەك نەخۆشی و مەرگەسات ب سەرێ‌ كچ و ژنێن ئێزدیان دا ئیناینە
تۆرا لالش:
كچەكا ڕزگاربوویا كوردا ئێزدی ئاشكراكر،كو ل رۆژا(3/8/2014)ێ‌ تیرۆرستێن داعش 10 كەس ژ ئەندامێن خێزانا من دەستگیركرن و رەڤاندینە و نۆكە چارەنڤیسێ‌ چار ژ وان یێ‌ دیار نینە،داعش زولمەكا مەزن ل كچ و ژنێن ئێزدیان دكرن و گەلەك نەخۆشی و مەرگەسات ب سەرێ‌ وان دا ئیناینە.

لەیلا ئێك ژ كچێن رزگاربوویێن كوردێن ئێزدی یە بۆ باسنیوز ئاشكەراكر، دەمێ‌ تیرۆرستێن داعشێ‌ ئەم گرتین هەر كەلوپەلەكێ‌ دگەل مە دا ژ مە ستاندن،لەورا هەر ئەوی وەختی مە زانی چارەنڤیسەكێ‌ خراب و نەدیار ل پێشیا مەیە، كێر و چەقو دگەل ئەوان بوون و دگۆتنە مە دێ‌ ب ڤان كێران سەرێ‌ وە برین لەوما ئەم نەچار بووین وەكو وان بكەین،ئەوان تیرۆرستان زولمەكا مەزن ل كچ و ژنێن ئێزدیان دكرن و وێنە و ڤیدیۆ یێن سەربرینا خەلكی نیشا مە ددان، و من ب چاڤێ‌ خۆ خەلكێ‌ كوشتی ل سەر رێ‌ و جادان د دیتن ل دەمێ‌ تیرۆرستان ئەم ژ شنگالێ‌ ڤەدگوهاستینە تەلەعفەر.
لەیلایێ‌ دیاركر ژی تیرۆرستێن داعش ئەم د برینە دناڤ خێزانێن خۆدا و كرین و فرۆتن ب كچێن مە دكرن و داعشان هەر كچەك بربایە د برنە دناڤ خێزانێن خۆدا كو زۆر ژ ئەوان خێزاندار و خودان زارۆك بوون،بەلێ‌ ژنێن ئەوان گەلەك ژ وان خرابتر بوون كو كارێ‌ ناڤمالێ‌ و خزمەتكاری ب مە دكر و ئازار ژی د داین،ل تەلەعفەر دەستێ‌ من و دەیكا من د تێك دابوون،تیرۆرستێن داعش ب لێدان و ئەشكەنجەدانێ‌ دەستێن مە ژێك جوداكرن و بۆ ماوێ‌ سێ‌ هەیڤان برمە مووسل و پاشی جارەكا دی دووبارە ئینامە تەلەعفەر و ئێخستمە دناڤ بارەگەهێن خۆدا و چەندین داعشێن پیس تێدا بوون.
لەیلایێ‌ دیاركر ژی هەر رۆژەكا ل بن دەستێ‌ داعش مەینەتی و غەم و ئازار بوویە، بەلێ‌ ئەو رۆژا ژ دایكا خۆ هاتیمە جوداكرن ئەو رۆژ نەخۆشترین رۆژ بوو، چنكو ژ دەیك و باب و خوشك و برایان هاتیمە ڤەقەتاندن و گەلەك نەخۆشی هاتینە رێیا من دا،كو هەتا نۆكە ژی چارەسەریێ‌ بۆ ئەوان نەخۆشی و ئازارێن ئەوان رۆژان كو كارتێكرنەكا دەروونی یا خراب لسەر من چێكرینە،وەردگرم.
گۆتژی تیرۆرستێن داعشێ‌ گەلەك نەخۆشی و مەرگەسات ب سەرێ‌ كچ و ژنێن ئێزدیان دا ئیناینە،نۆكە ژی ل جهێ‌ داعش و خێزانێن وان سزا بدەن،ئەو یێن ئیناینە سەر جهـ و وارێن وان كو ئەڤە د دەمەكی دایە كچ و ژن و ئاوارێن ئێزدی نەوێرن ڤەگەرنە سەر مال و حالێ‌ خۆ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi