د ماوێ 9 هه‌يڤان دا ل هەرێما کوردستانێ 54 ئافرەتان خۆ كوشتيە
باسنيوز:
بەپێی ئامارێكی بەڕێوەبەرایەتیی بەرەنگاربوونەوەی توندوتیژی دژ بە ئافرەتان لە هەرێمی كوردستان، لە ماوەی نۆ مانگی ڕابردووی ئەمساڵدا 54 ئافرەت خۆیان كوشتووە و 37 ئافرەتی دیكەش كوژراون.
بەپێی ئامارەكە كە وێنەیەكیشی بۆ (باسنیوز) نێردراوە “لە ماوەی 9 مانگی یەكەمی ئەمساڵی 2018 دا، 54 ئافرەت خۆیان كوشتووە كە زۆرترینیان لە پارێزگای هەولێر و دهۆك و كەمترینیشیان لە ئیدارەی گەرمیان و قەزای سۆران بووە و 37 ئافرەتی دیكەش كوژراون كە زۆرترینیان لە پارێزگای هەولێر و سلێمانی و كەمترینیان لە ئیدارەی ڕاپەڕین بووە، هاوكات 90 ئافرەت خۆیان سووتاندووە و 113 ئافرەتی دیكەش سووتاون”.
بەپێی ئامارەكە “لەو ماوەیەدا 87 حاڵەتی دەستدرێژیی سێكسی تۆمار كراون و 7 هەزار و 192 سكاڵاش لەلایەن ئافرەتانەوە تۆمار كراون”.
ڕۆژی 17 ی دیسەمبەری ساڵی 1999 كۆمەڵەی گشتی نەتەوە یەكگرتووەكان لە 83هەمین كۆبوونەوەی خۆیدا، 25 ی نۆڤەمبەری وەك ڕۆژی جیهانی بەرەنگاربوونەوەی توندوتیژی دژ بە ئافرەتان دیاری كرد، لە هەرێمی كوردستانیش ساڵانە لەم ڕۆژەدا چەندین ڕێوڕەسم و چالاكی و كۆڕ و سیمیناری جۆراوجۆر بەڕێوە دەچن.
تُتاح هذه الصورة أيضا في: کوردی
