خانمە رۆژنامه‌ڤانەکا ئێزدی: كچێن هه‌ولێر و سلێمانیێ پتر ژ دهوكێ د راگه‌هاندنێدا هه‌نه
باسنيوز:
بنه‌فش عه‌لو ئه‌و كچا ئێزدى و چه‌ند ساله د كارێ راگه‌هاندنێدا بو (باس) به‌حسا ژیانا خو دكه‌ت و گوت: راگه‌هاندن هه‌ر ژ زاروكینیا خوه من حه‌ز ژ كارێ راگه‌هاندنێ كریه و دلخۆشم ل سالا (2017) شیام ل كه‌نالێ وار تیڤى یێ ئاسمانى ل پشكا په‌یوه‌ندیان ده‌ست بكار بوم و پاشان ل نیوزرووما هه‌مان كه‌نالى من ده‌ست ب هه‌والسازیا نوچه‌یان كر و گوت: راگه‌هاندن ب شیانا بده‌ست مرۆڤى دكه‌ڤیت و هه‌موو كه‌س نه‌شێن بنه رۆژنامه‌ڤان.
بنه‌فش به‌حسا پلانا خوه دكه‌ت بو بو (باس) دبێژیت: ئه‌ز دخوازم ل داهاتىدا بشێم ل سازییه‌كا جیهانێ یا ئاشتیێ كار بكه‌م و هه‌موو نه‌خوشى و زولما ل كوردێن ئێزدى هاتیه كرن بو جیهانێ نیشان بده‌م.
گوتژى: ئه‌گه‌ر خێزانا من دگه‌ل من هاریكار نه‌با دبیت هه‌تا ڤى ئاستى ئه‌ز نه‌شیابام به‌رده‌وام بمینم د راگه‌هاندنێدا له‌ورا ژ خێزانا خو سوپاسدارم و من خێزان پێك نه‌ئینایه و دخوازم ئه‌و كه‌سێ دهێته ژیانا مندا دگه‌ل كارێ مندا یێ هاریكار بیت.
بنه‌فشا راگه‌هانكار وێ چه‌ندێ ژى بو (باس) دوپات دكه‌ت: “گه‌له‌ك جاران داخاز ژ من هاتیه كرن ل شاشا كه‌نالى ده‌ربكه‌ڤم لێ هێشتا ده‌لیڤه‌یه نه‌دیتیه” گوتژى: ب هزرا من كچێن هه‌ولێر و سلێمانیێ پتر ژ كچێن دهوكێ دناڤ كارێ راگه‌هاندنێ دا دیار و به‌رچاڤن و ئه‌گه‌رژى ئه‌و چه‌نده یه ده‌زگه‌هێن راگه‌هاندنێ پتر ل وان هه‌ردوو پارێزگه‌هان هه‌نه ژ دهوكێ و هیڤیخوازم بشێن وه‌ك كچه‌كا كورد ده‌وله‌تا كوردى ب بینم و په‌یاما كوردى ل شاشه‌یان رابگه‌هینم.
بنه‌فش عه‌لو د ژیێ (24) سالیێدایه و ده‌رچوویا زانكویا دهوكێ كولیژا چاندنێیه و ئاكنجیا كومه‌لگه‌ها (شاریا)یه و ل كه‌نالێ (وار تی ڤى) به‌رده‌وامیێ ب كارێ خو یێ راگه‌هاندنێ دده‌ت و هه‌تا نها به‌رده‌وامه .
تُتاح هذه الصورة أيضا في: کوردی
