هەڤژینیا پێش وەخت دناڤ ئاوارەیێن شنگالێ دا زێدەبوویە
تۆرا لالش یا راگەهاندنێ
ڤەكۆلەرەكێ جڤاكی ئاشكەراكر كو پشتی ئاوارەبوونا خەلكێ شنگالێ رێژەیا هەڤژینیا پێش وەخت دناڤ ئاوارەیان دا زێدەبوویە،ئەگەر ژی بۆ چەندین هۆكاران ڤەگەراندن.
دڤی واری دا ڤەكۆلەرێ جڤاكی(حەیدەر قاسم)بۆ رۆژناما دەنگێ لالش دیاركر،هەژاریا خێزانی و ژیانا ئاوارەبوونێ و لاوازیا ئاستێ خووندنێ و نەبوونا دەلیڤێن كاری و پشتگوهاڤێتنا ڤێ دیاردێ ژلایێ راگەهاندنێ ڤە،بووینە هۆكار ژبۆ ئەنجام دانا هەڤژینیا پێش وەخت،ئەڤ دیاردە دبتە ئەگەرێ ژێكڤەبوونا خێزانێ و چەندین نەخۆشیێن لەشی و دووگیانا پێش وەخت ژی چەندین نەخۆشیان بخۆڤە دگرت مینا بلندبوونا فشارا خوونێ و ژبەرچوونێ ژی،ئەو كچێن ڤێ دیاردێ ئەنجام ددەن بێ بەهر دبن ژ خووندن و زانینا پێتڤی و چەندین مافێن خۆ یێن یاسایی و دووركەفتنا وێ ژ كەس و كاران،هەروەسا نەكارینا وێ دپەروەردەكرنا زارۆكان دا ب شێوەیەكی دروست و دیسان تووشی نەخۆشیا دەروونی دبت.
ڤەكۆلەری ئەو چەندە ژی راگەهاند،ئەو كەسێن ڤێ دیاردێ ئەنجام ددەن رووبەروی چەندین نەخۆشیێن دەروونی دبن،ژبەر بێ بەهردبن ژخووندنا پێتڤی و تایبەت كچێ كەفتنا وێ دژیانا بەرپرسیاریا خێزانێ دا و پەروەردەكرنا زارۆكان دبتە ئەگەرێ ماندیبوون و بێ ئۆمێدیێ،ئەگەر هەیە ئەو كەسنە رووبەروی چەندین ئاریشێن ئابووری ببن،ژبەر نەكارینا وان دكاركرن و بەرپرسیاریێ دا بۆ زارۆكان و خێزانێ.
حەیدەری ئاماژە ب وێ چەندێ دا پێتڤیە رێكخراوێن جڤاكێ سڤیل پتر رۆلێ خۆ رابن،بۆ ڤەكرنا هندەك خۆلێن تایبەت بۆ رۆنكرنا ڤێ دیاردێ بۆ خەلكێ ئاوارە چ ل كەمپان یان ژ دەرڤە بت.
تُتاح هذه الصورة أيضا في: کوردی
