بنگەهێ لالش وكونسلێ روسیا تەكەزیێ ل خورتكرنا پەیوەندییان دكەن
تۆرا لالش/دهۆك
ئیرۆ 16ی گۆلانا 2023 ل بارەگایێ بنگەهێ لالش ل دهۆكێ،بەرێز”سەعید جردۆ”سەرۆكێ دەستەیا بلندا بنگەهێ لالش پێشوازیا بەرێز “مكسیم روبین” كونسلێ دەولەتا روسیا ل هەرێما كوردستانێ وشاندێ دگەلدا كر.
دهەڤدیتنەكێدا ب ئامادەبوونا جێگرێ سەرۆكێ بنگەهێ لالش و ئەندامێن دەستەیا بلند،بەحسێ ڤەحواندنا پەنابەرێن كورد ب شێوەیەكی گشتی و ئێزدیان ب تایبەتی ل ڕۆژانێن دەردەسەری و نەخۆش دا ژلایێ ئێكەتیا سوفیەتا بەرێ و پێشوازیكرنا سەركردێ نەمر مستەفا بارزانی و هەڤالێن دگەلدا هاتە كرن.
ژلایێ خۆڤە كونسلێ روسیا دوپاتی ل خورتكرنا پەیوەندیێن ڕەوشەنبیری دناڤبەرا كونسخانا روسیا ل هەولێرا پایتەخت و بنگەهێ لالش دا كر و پشتەڤانیا خۆ ژی ل سەر پێدانا كورسیێن خواندنێ تایبەت بۆ قوتابیێن ئێزدی ل زانكۆیێن روسیا دیاركر.
مكسیم روبین،كونسلێ روسیا ئاشكەراكر؛كو ئەو دێ بالیۆزێ روسیا ل بەغدا ئاگەهدار كەن سەرەدانا كەمپێن ئاواران ل پارێزگەها دهۆكێ بكەن و خۆشحالیا خۆ ژی دەربری ب ژین و ژیارا جوان یا ل كوردستانێ هەی.
دلایەكێ دی دا سەعید جردۆ،سەرۆكێ بنگەهێ لالش ب تێر و تەسەلی بەحس ل بنگەهێ لالش و كار و چالاكیێن ئەنجام ددەت دانە دیاركرن.
تُتاح هذه الصورة أيضا في: کوردی
