ده‌سته‌یا بلندا بنگه‌هێ لالش پێشوازى ل نڤیسه‌ر و گه‌رۆكه‌كى ناڤداركر
دهۆك – تۆڕا لالش یا ڕاگه‌هاندنێ:
ب مه‌ره‌ما پێشكێشكرنا پیرۆزباهیان ل ده‌سته‌یا نوو یا بندا بنگه‌هێ لالش
ئیرۆ رۆژا سێ شه‌مبوویێ رێكه‌فتى 18ى چریا ئێكێ 2022ێ نڤیسه‌ر و هۆزانڤان و وه‌رگێر و گه‌رۆكێ كوردێ ناڤدار (به‌ده‌ل ره‌ڤۆ) دگه‌ل ژماره‌كا نڤیسه‌ران سه‌ره‌دانا بنگه‌هێ لالش كر ل پارێزگه‌ها دهۆكێ
گه‌رۆكێ ناسیارێ نافهاتى ب خۆشحالى ڤه ژلایێ سه‌رۆكێ ده‌سته‌یا بلندا بنگه‌هێ لالش به‌رێز (سه‌عید جردۆ ) و جێگرێ وى به‌رێز(د. سه‌عید خودێدا ) ڤه هاتنه پێشوازیكرن , ره‌ڤۆى جوانترین و گه‌رمترین پیرۆزباهى ل ده‌سته‌یا نوو یا بلندا بنگه‌هێ لالش كرن و داخوازا سه‌ركه‌فتنێ خواست د ئه‌رك و كارێ نوو دا
دیسان وه‌رگێرو نڤیسه‌رێ نافهاتى یێ كو ب یاوه‌ریا شانده‌كى قه‌ستا بنگه‌هێ لالش كرى ژماره‌كا په‌رتووكێن خۆ پێشكێشى په‌رتوكخانه‌یا ده‌سته‌یا بلندا بنگه‌هێ لالش كر وه‌كو دیارى
ژلایێ خۆڤه به‌رێز (سه‌عید جردۆ) سه‌رۆكێ ده‌سته‌یا بلندا بنگه‌هێ لالش بناڤێ ده‌سته‌یا كارگێرى سۆپاسیا نڤیسه‌ر و گه‌رۆكێ نافهاتى كر بۆ بنگه‌هێ لالش و خویاكر جهێ خۆشحالیا مه‌یه ئه‌ڤ جۆره سه‌ره‌دانه و ئه‌و چه‌نده ژى ئینان زمان كو دخزمه‌تا چاند و كه‌لتورى دانه.
دهێته زانین گه‌رۆكێ ناڤبرى خودان چه‌ندین په‌رتووكه و چه‌ندها وه‌لاتان گه‌ریایه پێخه‌مه‌ت ناساندنا چاند و كه‌لتورێ كوردى ب ملله‌تان , ول وه‌لاتێ نه‌مسا ژیانێ دبه‌ته سه‌ر .
س.س
تُتاح هذه الصورة أيضا في: کوردی
