بنگەهێ لالش باعەدرێ بەریکانەکا زانستی و رەوشنبیری بۆ گەنجان ئەنجامدا
تۆرا لالش یا راگههاندنێ :
پێخەمەت پشتەڤانی ل گەنجان و گرنگی دان ب هەموو تەخێن جڤاکی، رۆژا چارشەمبوویێ رێکەفتی 14ی ئەیلولا 2022ێ بنگەهێ لالش تایێ باعەدرێ بەریکانەکا زانستی و رەوشنبیری بۆ گەنجێن باعەدرێ ل باخچێ هۆلا باعەدرێ یا بیرەوەریا ئەنجامدا.
دکەش و هەوایەکی دلڤەکر و دهێڤاریەکا بالکێش و ئارامدا وب ئامادەبوونا بەڕێز هاشم لەتیف بەرپرسێ لیژنا ناوچا شێخان و بەڕێز کاروان باعەدری ئەندامێ دەستەیا بلندا بنگەهێ لالش و بەرپرس و ئەندامێن دەستەکا رێڤەبەر یا بنگەهێ لالش تایێ باعەدرێ و ژمارەکا گەنجێن باعەدرێ ڕێ و رسمێن بەریکانێ ب رێڤەچوون.
ل دەستپێکێ بەڕێز خەلات باعەدری بخێرهاتنا تەڤایا ئامادەبوویان کر و دا زانین کو بنگەهێ لالش باعەدرێ دخزمەتا هەموو تەخ و چینێن جودا جودا یە نەخاسمە گەنجان دگەل پێدانا رێنمایێن بەریکانێ بۆ بەرهەڤبوویان ، پاشی پرسیارێن بەریکانێ هاتنە پارڤەکرن ب سەر هەشت گرۆپێن ئامادەبووی.
ل داویێ 4 گرۆپان شیان سەرکەفتنێ بدەستڤەبینن و هاتنە خەلاتکرن ب دیاریێن بنگەهێ لالش باعەدرێ و ژلایێ ئامادەبوویان ڤە هاتنە پارڤەکرن ب سەر سەرکفتیان و ب ڤی ئاوایی ئەڤ هێڤاریە دناڤا خورتێن باعەدرێ ب داویی هات
س.س
تُتاح هذه الصورة أيضا في: کوردی