بنگه‌هێ لالش دیدارا چارێ( ئێزدی و شۆڕەشا ئەیلولێ) گێرا
دهۆک- تۆڕا لالش يا ڕاگەهاندنئ :
ل ژێر ناڤ و نیشانێن (ئێزدى و شۆره‌شا ئه‌یلولێ)، ده‌سته‌یا بلندا بنگه‌هێ لالش ئیرۆ رۆژا ئێك شه‌مبویێ 11ى ئه‌یلولا 2022ێ دیدارا خۆ یا چارى ل هۆلا (شێخ شامۆ) گێرا ب بەرهەڤییا ژماره‌كا پێشمه‌رگه‌هێن پشكدارى شۆره‌شا ئه‌یلولێ و كه‌سایه‌تیێن په‌رله‌مانى و سیاسى و ئه‌كادیمى و دام و ده‌زگه‌هێن میرى رێ و ره‌سمێن دیدارێ ب رێڤه‌چوون.
ل ده‌ستپێكێ بخێرهاتنا ته‌ڤایا بەرهەڤبوویان هاته كرن، پاشى وه‌كو وه‌فاداریه‌ك بۆ قاره‌مان و مێرخاس و عه‌گیدێن پشكدارى شۆره‌شێ پێشانگه‌هه‌كا چه‌ند وێنه‌یێن كه‌ڤنێن پێشمه‌رگه‌هێن ئێزدی ئه‌وێن ته‌ڤلى شۆره‌شێ بووین بۆ مێهڤانێن ئاماده‌بوویى هاته پێشاندان، و بەرهەڤبوویان ژى دناڤا هه‌مبێزا پێشانگه‌هێ دا ته‌ڤلى ژیان و رۆل و خزمه‌تا جوانه‌مرگێن ئێزدى بوون ئه‌وێن كو ب خامه‌یه‌كى جوان ناڤێ وان چووینه دناڤا به‌رپه‌رێن دیرۆكا نوو یا گه‌لێ كوردا.
لدووڤدا به‌رێز (سه‌عیدجردۆ)، سه‌رۆكێ ده‌سته‌یا بلندا بنگه‌هێ لالش دپه‌یڤا ده‌سته‌یێ دا سه‌رێ رێز و نه‌وازشێ بۆ قوربانى و گیانفدایێن شۆره‌شێ و سه‌ركاروانێ وان بارزانییێ نه‌مر ئینا زمان , وته‌كزكر كوهه‌لبوونا چریسكێن شۆره‌شا ده‌رئه‌نجامێ سته‌ملێكرنێ و بێ به‌هركرنا ملله‌تانه ژ مافێن ره‌وا, له‌ورا وى چاخى شۆره‌ش دبته تشته‌كى پێدڤى, ئه‌وبوو بارزانیێ نه‌مر مه‌شخه‌لێ شۆره‌شێ هه‌لكر و هه‌موو پێكهاتێن كوردستانى ژ خانه‌قین تا زاخۆ پشكدارببون پێخه‌مه‌ت بده‌ستڤه‌ئینانا مافێن ره‌وایێن گه‌لێ كورد.
دیسان سه‌رۆكێ ده‌سته‌یێ ئاماژه دا؛ ئه‌و زولما ل ئێزدیان هاتییه كرن ژلایێ رژێما به‌عسا ژناڤچوویى هه‌ر ژ ته‌عریبكرن و كاڤلكرنا گوندا و ئاكنجیكرنین زۆره مللى د كۆمه‌لگه‌هاندا ,له‌ورا وه‌كو ده‌سته‌یا بلندا لالش مه ب فه‌ر دیت ئه‌ڤێ دیدارێ ل دار بخه‌ین .
دپەنه‌لێ دووێ دا پشكا راگه‌هاندنا ده‌سته‌یا بلند فیچه‌ره‌ك لدۆر رۆلێ ئێزدیان دگه‌رمى و بزاڤێن شۆره‌شى َو چه‌وانیا دانان به‌رێ بنیاتێ بۆ رێكخستنێن پارتایه‌تى و له‌شكه‌رى ل ده‌ڤه‌رێن ئێزدیان و باندۆرا ئێزدیان ل سه‌ر بهێز و خورتكرنا شۆره‌شێ ژلایێ گیانى و مه‌عنوى و له‌شكه‌رى ڤه نمایشكر.
د په‌نه‌لێ سێیێ دا چار مێهڤان ژلایێ به‌رێز (جه‌عفه‌ر سمۆ) ئەندامێ دەستەیێ ڤه و رێڤەبە‌رێ دیدارئ هاتنه داخوازكرن، ئه‌و ژى هه‌ر یه‌ك ژ به‌رێز (خالد شلى )، پیشمه‌رگه‌هێ شۆره‌شا ئه‌یلولێ و پرۆفیسۆر (شیرزاد خلیل) مامۆستایێ زانینگه‌هێ و شاره‌زار دبیاڤێ دیرۆكێ دا , هه‌روه‌ها (د. سه‌عید خدیده) مامۆستایێ زانینگه‌هێ و ودیرۆكناسێ شاره‌زار ,دیسان (پیر خلیل سلێمان) وه‌كو پێشمه‌رگه‌هه‌كى پشكدار دشۆره‌شا ئه‌یلولى دا ل قه‌زا شێخان .
دڤى په‌نه‌لى دا مێهڤانێن ناڤبرى رۆناهى ئێخستنه سه‌ر دان پێدانا ده‌ستهه‌لاتى عیراقى و پێدانا مافێن ده‌ستورى یێن گه‌لێ كورد و پاشگه‌زبوونا رژێما وى چاخى ب وێ دانپێدانێ و مافان و ئه‌گه‌رێن هه‌لبوونا شۆره‌شێ ب سه‌ركردایه‌تیا بابێ رۆحى بارزانیێ نه‌مر ل هه‌موو ده‌ڤه‌رێن كوردستانێ و رۆل و باندۆرا ئێزدیان د بهێزكرن و پێشئخستنا لڤین و بزاڤێن شۆره‌شێ و سه‌نگه‌رێن شه‌رى , دگه‌ل ناڤئینانا هنده‌ك پێشمه‌رگه‌هێن قاره‌مانێن ئێزدى وه‌كو نموونه و مێرخاسیا وان , زێده‌بارى چه‌ندین خال و تێبینى و سه‌رپهاتیێن شۆره‌شێ و كاودانێن وى سه‌رده‌مى كو ژلایێ مێهڤانێن دیدارى هاتنه به‌حسكرن و رۆنكرن و دیدار پر زه‌نگین كرن .
ل داویێ دان وستاندنێن پر گه‌رم دناڤبه‌را مێهڤانان و ئاماده‌بوویان ب چه‌ند پرسیار و رۆنكرن وبۆچوونان دروست بوو , و ب ڤى ئاوایى دیدارا چارێ یا لالش ب داویى هات .
س.س
تُتاح هذه الصورة أيضا في: کوردی
