سه‌رۆك نێچیرڤان بارزانى و سه‌رۆكوه‌زیرێ ئیراقێ دوپاتى ل سه‌ر بجهئینانا رێككه‌فتنا هنارتنا په‌ترۆلا هه‌رێمێ كرن
گاڤ
سه‌رۆك نێچیرڤان بارزانى و سه‌رۆكوه‌زیرێ ئیراقێ ئه‌ڤرۆ دوپاتى ل سه‌ر بجهئینانا رێككه‌فتنا هنارتنا په‌ترۆلا هه‌رێمێ كرن.
سه‌رۆك نێچیرڤان بارزانى د چارچووڤه‌یێ سه‌ره‌دانا خۆ دا بۆ به‌غدا ل ئێڤاریا ئه‌ڤرۆ شه‌مبیێ ل گه‌ل محه‌مه‌د شیاع سوودانى سه‌رۆكوه‌زیرێ ئیراقێ كۆمبوو.
سه‌رۆكاتیا هه‌رێمێ به‌لاڤكریه؛ سه‌رۆك نێچیرڤان بارزانى پشته‌ڤانیا هه‌رێما كوردستانێ بۆ سه‌رۆكوه‌زیرێ ئیراقێ و حكومه‌تا فیدرالى یا ئیراقێ و بجهئینانا كارنامه‌یا وێ دوپاتكر.
سه‌رۆكێ هه‌رێما كوردستانێ هه‌روه‌سا په‌سنا بزاڤێن سوودانى و كار و بزاڤێن وى بۆ بجهئینانا كارنامه‌یا حكومه‌تێ و رێككه‌فتنا سیاسى یا هه‌ڤپه‌یمانیا برێڤه‌برنا ده‌وله‌تێ كر.
سوودانى ژ لایێ خۆڤه سوپاسیا رۆلێ سه‌رۆك نێچیرڤان بارزانى و بزاڤێن وى یێن به‌رده‌وام بۆ لێكنزیككرنا لایه‌نان و چاره‌سه‌ریا كێشه‌یان ده‌ربڕى و ته‌كه‌زى ل سه‌ر گرنگیا به‌رده‌وامیا دانوستاندنێن حكومه‌تا هه‌رێما كوردستانێ و حكومه‌تا فیدرالى بۆ چاره‌كرنا كێشه‌یان كر.
هه‌ردو لایه‌ن ل سه‌ر پێدڤیاتیا بجهئینانا رێككه‌فتنا ده‌ستپێكرنا هنارده‌كرنا په‌ترۆلا هه‌رێما كوردستانێ، پشته‌ڤانیا لایه‌نێن سیاسى ل جڤاتا نوینه‌ران بۆ ده‌ربازكرنا یاسایا بودجه‌یا گشتى یا ئیراقێ هه‌روه‌سا دوپاتی ل به‌رده‌وامیا هاریكاریا هه‌ڤپشك دناڤبه‌را هه‌ولێر و به‌غدا د هه‌مى بواران دا د هه‌ڤڕا بوون.
تُتاح هذه الصورة أيضا في: کوردی
