دئێك سالدا 55 هزار و 896 هه‌ڤژینى و 13 هزار و 967 ژێك جوودابوون هاتینه تۆماركرن
خانى نيوز:
ل دادگه‌هێن هه‌رێما كوردستانێ حاله‌تێن ژێك جوودابوونێ ل سالا 2022ێ به‌راورد دگه‌ل سالا 2021ێ زێده‌بووینه، و 81 زه‌لامان ژى ل سه‌رانسه‌رى هه‌رێما كوردستانێ ژنا دووێ ئینایه.
جڤاتا دادوه‌رییا هه‌رێما كوردستانێ ئامار و داتایێن سالا 2022ێ ب تایبه‌تى یێن پرۆسه‌یا هه‌ڤژینییێ و ژێك جوودابوونێ به‌لاڤكرن.
ئامار هه‌موو داتایێن دادگه‌هێن پێداچوونێ ل هه‌رێمێ و دادگه‌هێن تێهه‌لچوونێ ل هه‌ولێر، سلێمانى، دهۆك، گه‌رمیان و كه‌ركووكێ ب خۆڤه دگریت، و ل دووڤ وێ ئامارێ، ل سالا 2022ێ زێده‌تر ژ 55 هزار و 896 ماره‌برین و پرۆسه‌یێن هه‌ڤژینییێ هه‌بوون، و ل هه‌ولێر و سلێمانى و گه‌رمیانێ به‌راورد دگه‌ل سالا 2021ێ پرۆسه‌یا هه‌ڤژینییێ زێده‌بوویه، و ل دهۆكێ هه‌تا راده‌یه‌كى كێمبوویه.
ئاماژه ب هندێ ژى دا، ل سالا 2022ێ 13 هزار و 967 حاله‌تێن ژێك جوودابوونێ هاتینه تۆماركرن، و به‌راورد دگه‌ل سالا 2021ێ زێده‌بوویه، كو ل وێ سالێ 11 هزار و 699 حاله‌تێن ژێك جوودابوونێ هاتبوونه تۆماركرن.
تُتاح هذه الصورة أيضا في: کوردی
