ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

گۆتيرێس: كوردستانێ جهه‌كێ تايبه‌ت د دلێ من دا هه‌يه‌ و قۆربانيدانێن گه‌لێ كورد ناهێنه‌ ژبيركرن

گۆتيرێس: كوردستانێ جهه‌كێ تايبه‌ت د دلێ من دا هه‌يه‌ و قۆربانيدانێن گه‌لێ كورد ناهێنه‌ ژبيركرن
گاڤ

سكرتێرێ گشتى يێ نه‌ته‌وه‌يێن ئێكگرتى دياركر كو كوردستانێ جهه‌كێ تايبه‌ت د دلێ وى دا هه‌يه‌ و قۆربانيدانێن گه‌لێ كوردستانێ ناهێنه‌ ژبيركرن.
مه‌سرور بارزانى سه‌رۆكێ حكومه‌تا هه‌رێمێ ئه‌ڤرۆ پێنجشه‌مبيێ ل هه‌ولێرێ پێشوازى ل ئه‌نتۆنيۆ گۆتيرێس كر و هه‌ردو لايان ژماره‌يه‌كا مژاران به‌حسكرن.
سه‌رۆكاتيا جڤاتا وه‌زيران راگه‌هاند؛ سكرتێرێ گشتى يێ نه‌ته‌وه‌يێن ئێكگرتى خۆشحاليا خۆ ب سه‌ره‌دانا هه‌رێما كوردستانێ نيشاندا و ستايشا پێشكه‌فتن و ئاڤه‌دانيا هه‌رێما كوردستانێ كر.
گۆتيرێس گۆت “هه‌رێما كوردستانێ جهه‌كێ تايبه‌ت د دلێ من دا هه‌يه‌ و خه‌بات و قۆربانيدانێن گه‌لێ كوردستانێ ناهێنه‌ ژبيركرن”.
گۆت ژى: هيڤيدارم هه‌رێما كوردستانێ هه‌رده‌م يا ب هێز و ئێكگرتى بيت و كێشه‌يێن دناڤبه‌را حكومه‌تێن كوردستانێ و فيدرالى دا چاره‌سه‌ر ببن.
ژ لايێ خۆڤه‌، سه‌رۆكێ حكومه‌تا هه‌رێمێ سوپاسيا پشته‌ڤانى و رۆلێ نه‌ته‌وه‌يێن ئێكگرتى ل ئيراقێ كر.
چاكسازيێن حكومه‌تێ، بجهئينانا رێككه‌فتنا شنگالێ، ده‌ركه‌فتنا مێليشيا و گرۆپێن چه‌كدار يێن نه‌ياسايى ژ شنگالێ، ڤه‌گه‌ڕيانا ئاواره‌يان بۆ ده‌ڤه‌رێن خۆ و گرنگيا پاراستنا ئاسايش و سه‌قامگيريا هه‌رێما كوردستانێ ژ ته‌وه‌رێن دى يێن كۆمبوونێ بوون.
سكرتێرێ گشتى يێ نه‌ته‌وه‌يێن ئێكگرتى دوهى چارشه‌مبيێ د سه‌ره‌دانه‌كێ دا گه‌هشبوو ئيراقێ و ئه‌ڤرۆ گه‌هشتبوو هه‌رێما كوردستانێ و تێدا ژماره‌يه‌كا ديداران ل گه‌ل سه‌ركرده‌ و به‌رپرسێن هه‌ردو لايان ئه‌نجامدان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi