ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وه‌زاره‌تا كاره‌با عیراقێ : مه‌ مفایه‌كێ مه‌زن ژ پێشكه‌ڤتنا كاره‌با هه‌رێما كوردستانێ وه‌رگرتییه‌

وه‌زاره‌تا كاره‌با عیراقێ : مه‌ مفایه‌كێ مه‌زن ژ پێشكه‌ڤتنا كاره‌با هه‌رێما كوردستانێ وه‌رگرتییه‌
خانى نيوز:

وه‌زیرێ كاره‌با عیراقێ سوپاسییا وه‌زیرێ كاره‌با حكومه‌تا هه‌رێما كوردستانێ كر، كوهه‌ڤكارێن باش بوون بۆ دابینكرنا كاره‌بێ بۆ ئاواره‌یان و مفایه‌كێ مه‌زن ژ پێشكه‌ڤتنا كاره‌با هه‌رێمێ د پرۆژه‌ و سیسته‌مێ نوو یێ به‌رهه‌مئینانا كاره‌بێدا دیتییه‌.
ئه‌ڤرۆ 30ى چریا دووێ یا 2022ێ ئه‌ندازیار كه‌مال محه‌مه‌د سالح وه‌زیرێ كاره‌با حكومه‌تا هه‌رێما كوردستانێ ل به‌غدا دگه‌ل زیاد عه‌لى فازل وه‌زیرێ كاره‌با حكومه‌تا عیراقێ كۆمبوو، و دانوستاندن ل دۆر پێشڤه‌برنا په‌یوه‌ندییان و هاریكارى و هه‌ماهه‌نگییا دناڤبه‌را هه‌ردوو وه‌زارتاندا و باشكرنا ره‌وشا كاره‌بێ دگه‌لدا كرن.
وه‌زیرێ كاره‌با حكومه‌تا هه‌رێمێ ب كورتییه‌كێ به‌حسا پێنگاڤێن چاره‌سه‌ركرنا ئاریشه‌یێن سێكته‌رێن كاره‌بێ كر و راگه‌هاند، نوكه‌ هه‌رێما كوردستانێ برێكا دانانا سیسته‌مێ پیڤه‌رێ زیره‌ك شیایه‌ دادپه‌روه‌رییێ د به‌لاڤكرنا كاره‌بێدا بكه‌ت.
ل دووماهییا دیدارێ هه‌ردوو لایه‌ن رێككه‌ڤتن كو ئه‌ڤ جۆره‌ كۆمبوون و دیداره‌ دناڤبه‌را هه‌ردوو وه‌زاره‌تاندا د به‌رده‌وامبن، داكو بشێن باشترین خزمه‌ت پێشكێشى وه‌لاتییان بكه‌ن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi