ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

په‌يامه‌ك ژ سه‌رۆك نێچيرڤان بارزانى

په‌يامه‌ك ژ سه‌رۆك نێچيرڤان بارزانى

گاڤ نيوز:

سه‌رۆكێ هه‌رێما كوردستانێ پيرۆزباهيا محه‌مه‌د شياع سودانى سه‌رۆكوه‌زيرێ ئيراقێ و ئه‌ندامێن كابينه‌يا وى يا حكومى ب هه‌لكه‌فتا باوه‌ريپێدانا په‌رله‌مانێ ئيراقێ ب كابينه‌يا وى و به‌رنامه‌يێ وى يێ وه‌زارى كر و به‌رهه‌ڤيا هه‌رێما كوردستانێ بۆ چاره‌سه‌ركرنا كێشه‌يێن ل گه‌ل به‌غدا ب رێكا دانوستاندنێ و د چارچووڤه‌يێ ده‌ستوورى دا راگه‌هاند.

د په‌يامه‌كا سه‌رۆك نێچيرڤان بارزانى دا هاتيه‌؛ پيرۆزباهيێ ل محه‌مه‌د شه‌ياع سودانى و ئه‌ندامێن كابينه‌يا وى يا وه‌زارى دكه‌ين و داخوازا سه‌ركه‌فتنێ بۆ دخوازين.

تێدا هاتيه‌ ژى؛ هيڤيدارين ئه‌ڤ گاڤه‌ ببيته‌ ده‌ستپێكا ب دويماهيك هاتنا ئازارێن خه‌لكێ ئيراقێ و ده‌ستپێكه‌كا نوى بيت بۆ گه‌شه‌پێدانا ئابوورى، گه‌شه‌پێدانا خزمه‌تگۆزارى، سه‌قامگيرى و ئاسايشێ، راسته‌رێبوونا پرۆسێسا سياسى، چاره‌سه‌ريا ده‌ستوورى بۆ كێشه‌يێن هه‌ولێر- به‌غدا، چاره‌سه‌ركرنا كێشه‌ و قه‌يرانان، ڤه‌گه‌ڕاندنا باوه‌ريا گه‌لى ب سازيێن حكومه‌تێ و بجهئينانا حكومه‌تێ بۆ داخوازيێن وه‌لاتيان.

سه‌رۆكێ هه‌رێمێ ديار ژى كر؛ پشته‌ڤانيا هه‌رێما كوردستانێ بۆ سه‌رخستنا به‌رنامه‌يێ كارى يێ سودانى و به‌رهه‌ڤيا هه‌رێما كوردستانێ بۆ چاره‌سه‌ركرنا كێشه‌يێن ل گه‌ل به‌غدا ب رێكا دانوستاندنێ و د چارچووڤه‌يێ ده‌ستوورى دا رادگه‌هينين.

خۆيا ژى كر؛ چاره‌سه‌ريا كێشه‌يێن ئيراقێ ئه‌رك و به‌رپرسياريا مه‌ هه‌ميايه‌ و به‌رژه‌وه‌نديا هه‌مى ئيراقيان ژ مه‌ دخوازيت كو د ئاستێ وێ به‌رپرسياريێ دا بين.

ژ به‌رى ده‌مه‌كى، كابينه‌يا محه‌مه‌د شياع سودانى و به‌رنامه‌يێ وى يێ وه‌زارى باوه‌ريا په‌رله‌مانى بده‌ستڤه‌ئينابوو.

ب تنێ هه‌ردو وه‌زاره‌تێن ژينگه‌هێ و ئاڤه‌دانكرنێ ماينه‌ كو نه‌هاتينه‌ ئێكلاكرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi