ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

وه‌زیرێ په‌روه‌ردێ: دێ راهێنان ب هه‌موو مامۆستایان هێنه‌ كرن

وه‌زیرێ په‌روه‌ردێ: دێ راهێنان ب هه‌موو مامۆستایان هێنه‌ كرن

خانى نيوز:

ئالان حه‌مه‌ سه‌عید وه‌زیرێ په‌روه‌ردێ یێ حكومه‌تا هه‌رێما كوردستانێ راگه‌هاند: دێ پێداچوون د سیسته‌مێ راهێنانا مامۆستایان دا هێته‌ كرن و دێ راهێنه‌ر دێ بۆ ماموستایان هێنه‌ ته‌رخانكرن و دێ نێزیكى 600 راهینه‌ر بۆ هێنه‌ ده‌ستنیشانكرن.
وه‌زیرێ په‌روه‌ردێ د گۆتاره‌كێ دا ئاماژه‌ ب سیسته‌مێ گوهۆرینا وانه‌گۆتن و راهێنانا مامۆستایان كر وگ وت راهێنان مافه‌ بۆ مامۆستایان و دڤێت بۆ بهێته‌ دابین كرن و ئه‌م دێ راهێنانان بۆ مامۆستایان ته‌رخان كه‌ین” كو د ژینگه‌ها قۆتابخانێ دا مفا ژێ بهێته‌ وه‌رگرتن و بهێته‌ په‌خشكرن و كاریگه‌رى ل سه‌ر پرۆسا په‌روه‌ردێ هه‌بیت .
ناڤهاتی گۆت ژى: راهێنانا مامۆستایان پێدڤى ب پێداچوونێ و ئاماده‌ سازكرنا مۆدێله‌كا نوو هه‌یه‌ و نێزیكى 600 به‌ربژار بۆ وه‌زاره‌تێ دێ هێنه‌ ده‌ستنیشانكرن ئه‌و 600 به‌ربژاره‌ بۆ راهینه‌ریا خولێ ته‌مام دكه‌ن و دێ ده‌ست ب بجهئینانا پرۆژه‌یى هێته‌ كرن.
وه‌زیرێ په‌روه‌ردێ دیاركر ژى: ژلایێ په‌روه‌ردا گشتى یا پارێزگه‌هێ ڤه‌ بۆ هه‌ر قۆتابخانه‌كێ راهێنه‌ره‌ك دێ هێته‌ دیار كرن” دڤێت ب درێژاهیا سالێ و حه‌فتییانه‌ یان ب كێمى دو حه‌فتییان جاره‌كێ هه‌موو مامۆستا دناڤ قۆتابخانا خۆ دا ده‌مژمێره‌كێ راهێنانان وه‌ربگرن و دێ ده‌مه‌‌كێ دیاركری بۆ خولان هه‌بیت و دێ باوه‌رنامه‌ ژى هێنه‌ دان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi