سهرۆك بارزانى بۆ رۆژنامهيا وهفد يا مسرى: ئهم ههڤپهيمانيێ ل گهل چ لايهنان ژ بۆ دژايهتيكرنا چ لايهنێن دى ناگرێدهين
گاڤ نيوز
سهرۆك بارزانى راگههاند كو پارتى ههر ژ دهستپێكێ بهربژارێ خۆ بۆ پۆستێ سهرۆككۆمارێ ئيراقێ ههيه و پارتى ههڤپهيمانيێ ل گهل چ لايهنان ژ بۆ دژايهتيكرنا چ لايهنێن دى ناگرێدهت.
سهرۆك مهسعوود بارزانى د چاڤپێكهفتنهكێ دا ل گهل رۆژنامهيا وهفد يا مسرى دياركر؛ رهوشا ئيراقێ گهلهك يا ئالۆزه و قهيرانهكا مهزن ژ بهر ئالۆزيێن پشتى راگههاندنا ئهنجامێن ههلبژارتنان پهيدابوويه.
خۆيا ژى كر؛ د نوكه دا گۆتوبێژ و دهستپێشخهرى ژ بۆ گههشتنێ ب چارهسهريا گرێيێن سياسى د بهردهوامن.
زێده ژى كر: ژبلى ههڤپهيمانيێ مه پهيوهنديێن دوستايهتى ژى ل گهل موقتهدا سهدر ههنه.
ئاماژه دا وێ چهندێ ژى؛ ئهم ههڤپهيمانيان ل سهر بنياتێ دژايهتيكرنا ههڤپهيمانيێن دى پێكنائينين، بهلكو پێدڤيه مه باوهرى ب وێ چهندێ ههبيت كو پێدڤيه ههر ههڤپهيمانيهك ل سهر بنياتێ نهگۆڕێن نيشتيمانى يێن كۆمكهر ژ بۆ خزمهتكرنا وهلاتيان، پاراستنا دهستكهفتيێن گهلى، كاركرن ژ بۆ خزمهتكرنا وهلاتيان، تێركرنا پێدڤياتيێن خهلكى يێن سهرهكى و چارهسهركرنا گرفتان ب گيانهكێ نيشتيمانى بهێته پێكئينان.
ل دۆر پۆستێ سهرۆككۆمارێ ئيراقێ ژى دياركر؛ پارتى ههر ژ دهستپێكێ بهربژارێ خۆ بۆ پۆستێ سهرۆككۆمارێ ئيراقێ ههيه.
تُتاح هذه الصورة أيضا في: کوردی