كۆنسۆلخانه‌يا ئه‌مريكا: ده‌ستپێكرنا گۆتوبێژان د ناڤبه‌را پارتى و ئێكه‌تیێ دا گاڤه‌كا گرنگه
گاڤ نيوز
كۆنسۆلێ گشتى يێ ئه‌مريكا ل هه‌ولێرێ ئه‌ڤرۆ رۆژا ئێكشه‌مبيێ راگه‌هاند كو گاڤێن ڤێ دويماهيێ يێن پارتى و ئێكه‌تیێ بۆ ده‌ستپێكرنا گۆتوبێژان د ناڤبه‌را وان دا گرنگن.
رۆبێرت پالادينۆ د ئيڤێنته‌كا زانكۆيا ئه‌مريكى دا ل سلێمانيێ راگه‌هاند؛ كۆمبوونێن پارتى و ئێكه‌تیێ گاڤه‌كا گرنگه، چونكى ئێكگرتنا كوردان هاريكاره ژ بۆ پاراستنا به‌رژه‌وه‌نديێن خه‌لكێ كوردستانێ ل هه‌رێما كوردستانێ و ل ئیراقێ.
ئه‌ڤرۆ ئێكشه‌مبيێ سه‌رۆكێ هه‌رێما كوردستانێ بۆ پشكداريێ د خۆلا ده‌رچوونا ئه‌فسه‌رێن كولیژا سه‌ربازییا قه‌لاچۆلان دا گه‌هشته سلێمانيێ و د چارچووڤه‌يێ سه‌ره‌دانا خۆ دا ل گه‌ل سه‌ركرده‌يێن ئێكه‌تى، ئێكگرتوو، گۆڕان و كۆمه‌لا دادگه‌رى كۆم بوو.
تُتاح هذه الصورة أيضا في: کوردی
