ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پارتى دخوازیت راده‌یه‌ك بۆ رێگریێن په‌كه‌كێ ل شنگالێ بێته‌ دانان

پارتى دخوازیت راده‌یه‌ك بۆ رێگریێن په‌كه‌كێ ل شنگالێ بێته‌ دانان

گاڤ نیوز

لژنا بلند یا هه‌لبژارتنێن پارتى دیمۆكراتى كوردستان سه‌باره‌ت ب ئاسته‌نگێن دوهى په‌كه‌كێ ل شنگالێ بۆ به‌ربژارێن پارتى دورستكرین راگه‌هاندنه‌ك به‌لاڤكر و ژ حكومه‌تا فیدرال خواست راده‌یه‌كى بۆ په‌كه‌كێ دانن.

دوهى هژماره‌كا به‌رپرس و به‌ربژارێن پارتى خواستن سه‌ره‌دانا ده‌ڤه‌را شنگالێ بكه‌ن ب مه‌ره‌ما كرنا بانگه‌شه‌یا هه‌لبژارتنان، لێ ژلایێ چه‌كدارێن سه‌ر ب په‌كه‌كێ ڤه‌ رێگرى لێ هاته‌ كرن.

لژنا بلندا هه‌لبژارتنێن پارتى ئه‌ڤرۆ د به‌یاننامه‌یه‌كێ دا سه‌باره‌ت ب رێگریێن په‌كه‌كێ ل سنورێ پارێزگه‌ها نه‌ینه‌وا و شنگالێ ژ حكومهتا ئیراقێ و كۆمسیۆنا هه‌لبژارتنان خواست بله‌ز راده‌یه‌ك بۆ ئاسته‌نگێن په‌كه‌كێ بهێته‌ دانان و سه‌رپێچكار ژى بگه‌هنه‌ سزایێ خۆ و سه‌قایه‌كێ ئازاد بۆ برێڤه‌چوونا هه‌لبژارتنان بهێته‌ ره‌خساندن.

لژنا بلندا هه‌لبژارتنێن پارتى دیاركر، هێزه‌كا چه‌كدار بۆ ماوه‌یه‌كێ درێژه‌ و ب شێوه‌یه‌كێ نه‌یاسایی خۆ ل ده‌ڤه‌رێ سه‌پاندى یه‌ و رێگربوویه‌ ژ ئاساییبوونا ره‌وشا شنگالێ و ڤه‌گه‌ڕ‌یانا خه‌لكێ ده‌ڤه‌رێ، بوویه‌ ئاسته‌نگ ژى ل هەمبه‌ر بجهئینانا رێكه‌فتنا شنگالێ.

هه‌روه‌سا لژنا هه‌لبژارتنێن پارتى ئاسته‌نگێن دوهى یێن په‌كه‌كی ل شنگالێ ب پێشیلكارى هەمبه‌ر پرۆسه‌یا ده‌نگدانێ و مافێن خه‌لكى و ئه‌ندام و ئالیگرین پارتى دا زانین و دیاركر دوباره‌بوونا ڤان پێشیلكاریان ئێدى جهێ قه‌بولكرنێ نینه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi