وەزارەتا ناڤخۆ: رێژەیا تاوانان ل هەرێمی زێدە بوویە
گاڤ نیوز
وەزارەتا ناڤخۆ یا هەرێما کوردستانێ راگەهاند؛ رێژەیا تاوانان ل هەرێمێ ب رەنگەکێ بەرچاڤ زێدە بوویە و ئەگەر ژی بۆ نەبوونا هەماهەنگیێ د ناڤبەرا دەستهەلاتێن دادوەری ل گەل هێزێن ئەمنی ڤەدگەریت
رێبەر ئەحمەد، وەزیرێ ناڤخۆ یێ هەرێمێ ئەڤرۆ سپێدێ گۆت: ژ ئەگەرێ نەبوونا هەماهەنگیێ د ناڤبەرا دەستهەلاتا دادوەری ل گەل هێزێن ئەمنی، رێژەیا تاوانان ل هەرێما کوردستانێ زێدە بوویە و داخواز ژ دادگەهان کر، هیچ تاوانبارەکێ ئازاد نەکەن ئەگەر مافێ کەفالەتێ نەبیت تاکو دەمێ دادگەهکرنێ.
هەروەسا گۆت: ئێک ژ ئەگەرێن دی یێن زێدەبوونا رێژەیا تاوانان چارەکرنا کێشەیانە ب رێکێن کۆمبوونێن جڤاکی و بێی دادگەهـ، پشتی تاوانەک د هێتە کرن، ب رێکا ئاشتبوونا جڤاکی دهێتە چارەکرن و دادگەهـ رۆلێ خۆ نابیت، لەوما ئاستێ تاوانان کێم نابیت.
وەزیرێ ناڤخۆ یێ هەرێمێ داخواز ژ ئالیێن سیاسی و وەلاتیان ژی کر کو تاوانباران نەپارێزن ب هەر ئەگەرەکێ بیت، ژ بەرکو کاریگەریێ ل بجهئینانا قانوونێ دکەت و تاوانباران هان ددەت بۆ تاوانێن زێدەتر.
دەربارەی مادێن هشبەر ژی رێبەر ئەحمەد گۆت: ل هەیاما بۆری رێژەیا بکارئینانا مادێن هشبەر و بازرگانێن وی مادەی زێدە بووینە، داخواز ژ هەمی دایک و باب، ناڤەندێن پەروەردێ، رێکخراوێن سڤیل کر کو رۆلێ هشیارکرنا گەنجان رابن ژ ڤی کارێ مەترسی دویر کەن.
تُتاح هذه الصورة أيضا في: کوردی