وەزیرێ په‌روه‌ردێ: هەر دەما پێدڤى بیت دێ دەرگەهێن خواندنگەهان گرین
گاڤ نیوز:
وەزیرێ پەروەردەیا هەرێمێ راگەهاند: هەر دەما پێدڤى بوو دێ دەرگەهێن خواندنگەهان دائێخن.
نوکە پرۆسەیا خواندنێ بۆ قوتابیێن سەرەتایى پۆلێن ئێکێ و دویێ، هەروەسا پۆلێن دوازدێ دەستپێکریە و هەمى خواندنا دى ئەلکترۆنى یە.
د کۆنگرەیەکێ رۆژنامەڤانى دا ئالان حەمە سەعید، وەزیرێ پەروەردەیا هەرێما کوردستانێ راگەهاند: ڤەکرنا دەرگەهێ خواندنگەهان ب تەمامى، بەرپرساتیەکا مەزنە، هه‌ر چه‌نده ئەو باش دزانن كو خواندنا ئەلکترۆنى جهێ خواندنا راستەوخۆ ناگریت، لێ دا كو سالا خواندنێ ب هەروە نەچیت، وان پەنا بۆ خواندنا ئەلکترۆنى بریە.
ئاشکرا ژى کر، هەر دەما پێدڤى بوو دێ دەرگەهێن خواندنگەهان دائێخن و پاراستنا قوتابى و مامۆستایان ژى ب کارێ دەستپێکى یێ وەزارەتێ ناڤکر.
دهێتە چاڤەڕێکرن لژنەیا بلندا بەرهنگاربوونا کۆرۆنایێ ل دەستپێکا مەها بهێت کۆم ببیت و هندەک بریارێن نى دەربارەیى پرۆسه‌یا خواندنێ بدەت.
تُتاح هذه الصورة أيضا في: کوردی
