سەرۆك بارزانی پێشوازی ل کۆنسولی نوو يێ ئەمریکا ل هەولێرێ کر
باسنيوز:
سەرۆک بارزانی، لە پێگەی تایبەتی خۆی لە تۆڕی کۆمەڵایەتیی (تویتەر) بڵاوی کردووەتەوە ئەمڕۆ شەممە 2020.7.25 لە بارەگای بارزانی پێشوازیی لە ڕۆب واڵەر، کۆنسوڵی گشتیی نوێی ویلایەتە یەکگرتووەکانی ئەمریکا لە هەولێر کردووە.
سەرۆک بارزانی نووسیویە: “خۆشحاڵ بووم ئەمڕۆ لە بارەگای بارزانی پێشوازیم کرد لە بەڕێز ڕۆب واڵەر، کۆنسوڵی گشتیی نوێی ویلایەتە یەکگرتووەکانی ئەمریکا لە هەولێر.”
ئاماژەی بەوەش کردووە: “باسمان لە دوا پێشهاتەکانی پەیوەست بە سیاسەت و قەیرانی ڤایرۆسی کۆرۆنا لە کوردستان و عێراق کرد. هیوام بۆ خواست لە ماوەی کارکردنی لە کوردستان سەرکەوتوو بێت”.
هەر لەو دیدارەدا باس لە بارەدۆخی سیاسی و ئابووری هەرێمی کوردستان و عێراق و ڕۆژهەڵاتی ناوەڕاست و پێشهاتەکانی کاریگەری پەتای کۆڕۆنا کرا.
لە بەرانبەردا کونسوڵی نوێی ئەمریکا سوپاسی هەڵوێستی مرۆییانەی هەرێمی کوردستانی کرد بەرامبەر کۆچبەر و پەنابەران کە بەهۆی شەڕی داعش پەنایان بۆ هەرێمی کوردستان هێناوە.
