نێچیرڤان بارزانی: حكومهتا ههرێمێ بهردهوام كار بۆ جێهگیركرنا بنهمایێن پێكڤه ژیانێ دكهت
WAAR-دهۆك:
نیچیرڤان بارزانی سهرۆكوهزیرێ ههرێما كوردستانێ ئهڤرۆ پێشوازی ل كاردینال پیترۆ پارۆلین سهرۆكوهزیرێ ڤاتیكان و شاندا دگهل دا كر.
د كۆمبوونا د ناڤبهرا ههردو ئالیان دا، شاندا مێهڤان دووپاتی ل پشتهڤانییا ڤاتیكانێ بۆ ههرێما كوردستانێ كر و ب پێدڤی زانی كو ئاواره و پهنابهر ڤهگهرنه سهر جهێن خوه یێن رهسهن و سهقامگیری، ئاساییش و خزمهتگوزاری ل دهڤهرێن وان بهێنه دابینكرن.
ژ ئالیێ خوهڤه نێچیرڤان بارزانی گۆت: كریستیان بهشهكێ گرنگ و سهرهكی یێ جڤاكا كوردستانێنه و رهـ و ریشالێن دیرۆكی ل ڤی وهلاتی ههنه و دوپات كر: حكومهتا ههرێمێ دێ بهردهوامبیت ل جێهگیركرنا زێدهتر یا بنهمایێن پێكڤهژیان و ههڤدو قهبوولكرنێ.
رهوشا كریستیانان ل ئیراق و ههرێما كوردستانێ تهوهرهكێ دی یێ كۆمبوونێ بوو و ههردو ئالی ههڤرا بوون كو بۆ ژناڤبرنا تیرۆر و توندوتیژیێ رێكارێن سهربازی بهس نینن، بهلكو پێدڤیه ژ روویێ هزری و كولتور و پهروهردهیێ رێگری لێ بهێته كرن.
تُتاح هذه الصورة أيضا في: کوردی